Foto: ashyq derekkóz
RIA Novostı agenttigi jazǵandaı, apat Kanesý avtojolynda, Mınakamı qalasy mańynda túngi ýaqytta bolǵan. Aldyn ala málimet boıynsha, aýyr júk kóligi jolda taıǵanap, qozǵalyssyz qalǵan. Onyń artynan kele jatqan jeńil avtokólikter birinen soń biri soqtyǵysyp, sonyń saldarynan órt shyqqan.
Kýágerlerdiń aıtýynsha, joldyń eńis ári burylysty bóliginde bolǵan apatty arttan kele jatqan júrgizýshiler der kezinde baıqaı almaǵan. Osy sebepti soqtyǵys sany artqan.
Qazirgi ýaqytta atalǵan jol ýchaskesinde qozǵalys eki baǵytta da tolyq toqtatylǵan.
Japon buqaralyq aqparat quraldarynyń málimetinshe, jol apaty saldarynan 1 adam qaza taýyp, keminde 26 adam jaraqat alǵan. Onyń ishinde 5 adam aýyr halde aýrýhanaǵa jetkizilgen, qalǵandary jeńil jaraqat alǵan.
Oqıǵa kýágerleriniń biri jol jıeginde turǵan jeńil kólikten aldymen tútin shyǵyp, keıinnen ot tutanǵanyn aıtqan.
— Jol tómen qaraı túsetin burylysta ornalasqan. Adamdar ne bolyp jatqanyn túsinbeı, birinen soń biri soqtyǵysyp jatty, — dedi ol.
Apattyń naqty sebepteri anyqtalyp jatyr.
