Foto: istockphoto.com
Innovasııany engizýdiń birinshi kezeńi retinde arnaıy synaq polıgony men «regýlıatorlyq qumsalǵysh» (pesochnısa) qurylmaq. Bul mehanızm qoldanystaǵy zańnamany jańa tehnologııaǵa beıimdeýge jáne qala ınfraqurylymyn pılotsyz kólikterdiń qozǵalysyna saqadaı saı daıyndaýǵa múmkindik beredi.
Synaqtan ótetin alǵashqy baǵyt retinde Astana áýejaıy men «Abu Dhabi Plaza» saýda ortalyǵynyń arasyndaǵy jol tańdalyp alyndy. Bul baǵyt boıynsha álemniń eń damyǵan megapolısterinde qoldanylyp júrgen, ózin-ózi basqaratyn joǵary tehnologııalyq kólikter qatynaıtyn bolady.
Astanada alǵash ret júrgizýshisi joq avtomobıl synaqtan ótkizildi
Qazirgi ýaqytta memlekettik organdar normatıvtik-quqyqtyq aktilerge qajetti ózgerister engizý boıynsha jumys istep jatyr. Sonymen qatar qala ınfraqurylymynyń tehnıkalyq daıyndyǵyna jan-jaqty baǵalaý júrgizilip jatyr. Bul sharalar pılotsyz taksılerdiń qaýipsizdigin qamtamasyz etip, olardy qalanyń kólik júıesine tolyqtaı ıntegrasııalaýdy kózdeıdi.
