Buǵan deıin Ortaderesin aýylynda medısınalyq qyzmet kórsetetin jeke ǵımarat bolmaǵan. Aýylda búginde 270 adam turady, onyń ishinde 70 bala men birqatar egde jastaǵy turǵyn bar. Sonymen qatar, 20-ǵa jýyq turǵyn dıspanserlik esepte tur. Aýdan ortalyǵynan 245 shaqyrym qashyqtyqta ornalasqan aýyl úshin bul medısınalyq pýnkttiń mańyzy erekshe.
Jańa nysan «Aýylda densaýlyq saqtaýdy jańǵyrtý» ulttyq jobasy aıasynda salynyp, oǵan 135 mıllıon teńge qarjy bólingen. Zamanaýı talaptarǵa saı boı kótergen medısınalyq pýnkt alty bólmeden turady. Munda qabyldaý bólmesi, prosedýralyq kabınet, fızıoterapııa kabıneti, dári-dármek saqtaıtyn qoıma, dezınfeksııalyq kabınet, akýsherlik kabınet, sondaı-aq as úı qarastyrylǵan.
Naýqastardyń demalyp, em qabyldaýyna barlyq jaǵdaı jasalǵan. Medısınalyq pýnktke jas maman jumysqa qabyldanyp, «Dıplommen aýylǵa» baǵdarlamasy aıasynda aýylǵa bilikti kadr tartylyp otyr.
Qańtar aıynan bastap munda qosymsha qyzmetkerler qabyldanyp, nátıjesinde 4 jańa jumys orny ashylady.
