Parlamenttik reforma jaıy talqylandy

Erlan Qarın Prezıdent bastamashy bolǵan parla­ment­tik reforma memlekettik qurylystyń «Kúshti Prezı­dent – yqpaldy Parlament – esep beretin Úkimet» negizgi formýlasy aıasyndaǵy aýqym­dy saıası jańǵyrýdyń qı­syndy jalǵasy ekenin atap ótti. Sondaı-aq Memlekettik ke­ńesshi aldaǵy parlamenttik reforma zań shyǵarý qyzmeti­niń tıimdiligi men sapasyn art­tyrýǵa baǵyttalǵanyn eske saldy.

Otyrysta parlamenttik refor­maǵa qatysty usynys­tardy jınaqtap, júıeleý­diń ara­lyq qorytyndylary qaral­­dy. Sonymen qatar bola­shaq bir palataly Parla­ment­tiń zań shyǵarý qyzmetiniń negizgi baǵyttary talqylandy.

Jıyn barysynda Par­lamentarızm ınstıtýtynyń dırektory Natalıa Pan azamattardan, sarapshylardan, qoǵam belsendilerinen jı­naq­talǵan usynystar jónin­de aqparat berdi. Atap aıtqanda, e-Otinish jáne eGov platformalaryndaǵy «Parlamenttik reforma» arnaıy bólimine 400-den asa usynys kelip tústi. Jumys toby músheleriniń, saıası partııalardyń usynystary men azamattardyń bastama­lary júıelenip, Par­lamen­tarızm ınstıtýtynda muqııat zerdelenýde.

Erlan Qarın otyrys­tar aralyǵyndaǵy kezeń­de par­lamenttik reformaǵa qatysty jańa usynystar men bastamalar boıynsha ortaq kózqarastardy qalyptastyrý úshin aýqymdy, mazmundy jumys júrgizilip jatqanyn aıtty. Sondaı-aq Memlekettik keńesshi taldaý jumystaryna nazar aýdaryp, usynystardyń sapalyq turǵydan jaqsara túskenin jetkizdi.

Jumys toby jetekshisiniń orynbasary – Prezıdenttiń quqyqtyq máseleler jónin­degi kómekshisi Erjan Jıen­baev Parlamenttiń zań shy­ǵarý qyzmetin jetil­dirý­ge baǵyttalǵan jalpy tásil­der týraly aıtty. Bul Jumys toby músheleri men saıası partııalardyń usynystary negizinde ázirlendi.

Jumys tobynyń Marat Shıbutov, Andreı Chebotarev, Azat Perýashev, Vıktor Ma­lı­nov­skıı, Magerram Mager­­ramov, Bórihan Nur­muha­medov, Únzıla Shapaq, Leıla Jaqaeva, Sne­janna Imasheva, Elnur Beı­senbaev, Alýa Ibraeva, Nı­kıta Shatalov, Indıra Áýbákirova, Erlan Sársem­baev sekil­di múshel­eri zań shy­ǵarý úde­risin uıymdastyrý jáne zańdardyń sapasyn jaq­sar­tý tetikteri jónindegi ıdeıa­lary men usynystaryn ortaǵa saldy.

Otyrys barysynda par­­la­menttik reforma saıa­sı jań­­ǵyrýdyń mańyzdy ke­zeńi ekeni, zań shyǵarý bıligi­niń róli men tıimdiligin arttyrýǵa, son­­­daı-aq kásibı zań shyǵarý isin odan ári damy­týǵa baǵyttal­ǵany aıtyldy.

Jıyn qorytyndysy bo­ıynsha Jumys tobynyń jetek­shisi – Memlekettik keńesshi kelip túsken usynystardyń bar­lyǵyn jınaqtap, jan-jaqty taldaýdy tapsyrdy.

Parlamenttik júıeni jetildirýge qatysty tásilder­di ázirleý isi Jumys tobynyń aldaǵy otyrystarynda kezeń-kezeńimen jalǵasady.