Elorda • 31 Jeltoqsan, 2025

Elordany bir-aq sátte qar basty: kommýnaldyq qyzmetter táýlik boıy jumys isteıdi

30 ret

kórsetildi

1 mın

oqý úshin

Astanada tolassyz qar jaýyp jatyr. Qolaısyz aýa raıyna baılanysty elordadaǵy kommýnaldyq qyzmetter kúsheıtilgen jumys rejımine kóship, qalany tazalaý jumysyn táýlik boıy júrgizýde, dep habarlaıdy Egemen.kz qala ákimdiginiń resmı saıtyna silteme jasap.

Aıana TOǴANBEK

Elordany bir-aq sátte qar basty: kommýnaldyq qyzmetter táýlik boıy jumys isteıdi

Tańerteńnen bastap kóshe-jol jelisin tazalaýǵa shamamen 3 000 jol jumysshysy men 1 400-den astam arnaıy tehnıka jumyldyryldy. Jumys negizgi magıstraldarda, kvartalishilik joldarda, trotýarlar men jaıaý júrginshiler aımaqtarynda júrip jatyr.

Qys mezgili bastalǵaly beri qar polıgondaryna jalpy kólemi 1 376 655 tekshe metr qar shyǵaryldy. Bul 105 413 aýyr júk kóliginiń reısine teń.

Qala turǵyndarynyń qaýipsiz qozǵalysyn qamtamasyz etý maqsatynda joldarǵa, trotýarlar men jaıaý júrginshiler aımaqtaryna kóktaıǵaqqa qarsy materıaldar sebilip jatyr. Qys mezgili bastalǵaly beri shamamen 4 000 tonna tehnıkalyq tuz paıdalanyldy. Qalany tazalaý jáne óńdeý jumysy táýlik boıy jalǵasyp jatyr.

Astana qalasynyń ákimdigi turǵyndar men qala qonaqtaryn joldar men trotýarlarda muqııat bolýǵa, qaýipsizdik sharalaryn saqtaýǵa jáne saparǵa shyǵar aldynda aýa raıy jaǵdaıyn eskerýge shaqyrady.