Bul týraly Reuters habarlady. Aqparatqa sáıkes, Bolgarııa eýroǵa ótý úshin qoıylǵan barlyq resmı talapty oryndaǵan. Atap aıtqanda, ınflıasııa deńgeıi, bıýdjet tapshylyǵy, uzaq merzimdi qaryz quny jáne aıyrbas baǵamynyń turaqtylyǵy talapqa saı kelgen.
Bolgarııanyń eýroǵa kóshýi bul valıýtany qoldanatyn eýropalyqtardyń sanyn 350 mln adamnan asyrady. Iаǵnı, eýro aımaǵy taǵy da keńeıedi.
Alaıda el ishinde bul sheshimdi bári birdeı qoldap otyrǵan joq. Bıznes ókilderi ózgeristi oń qabyldasa, halyqtyń bir bóligi kúmánmen qaraıdy. Olardyń pikirinshe, Eýropalyq odaq álsirep barady, al eýroǵa kóshý qarapaıym azamattarǵa qıyndyq ákelýi múmkin.
Saıası sarapshylar da alańdaýshylyq bildirip otyr. Olardyń aıtýynsha, eýrony túsindirý jumystary álsiz júrgizilgen. Ásirese shalǵaı óńirlerdegi jáne jasy úlken adamdarǵa jańa valıýtaǵa úırený qıyn bolýy múmkin. Buǵan qosa, turaqty úkimettiń bolmaýy da ótpeli kezeńdi kúrdelendirýi yqtımal.
О́tken jyldyń aqpan aıynyń sońynda Bolgarııada levti saqtap qalý jóninde referendým ótkizý úshin qol jınalǵan. Bul bastamany «Vozrojdenıe» oppozısııalyq partııasy kótergen. Partııa ókilderi bolgarlardyń shamamen 80%-y levtiń qalǵanyn qalaıdy, al eýronyń paıdasyn tek az ǵana elıta kóredi dep málimdegen.
