Foto: ashyq derekkóz
Qazir otandastarymyzdyń zeınetaqy alýdyń 2 joly bar. Birinshisi – úırenshikti tásil, ıaǵnı, tólemder BJZQ-dan aqsha taýsylǵansha beriledi. Ekinshisi – zeınetaqy annýıteti. Bul jaǵdaıda adam óz jınaǵyn saqtandyrý kompanııasyna aýdarady da, ómir boıy aı saıyn tólem alyp otyrady.
Annýıtettiń basty aıyrmashylyǵy tólem ómir boıy jalǵasady. Tipti zeınetaqy jınaǵy taýsylsa da, aqsha tólene beredi. Aı saıynǵy tólem mólsheri kelisimshartta aldyn ala bekitiledi jáne ol eń kemi kúnkóris mınımýmynyń 70%-ynan tómen bolmaýy kerek.
Eger annýıtet kelisimshartynda kepildendirilgen tólemder qarastyrylsa, zeınetker qaıtys bolǵannan keıin qalǵan aqsha joıylyp ketpeıdi. Ol kelisimde kórsetilgen adamǵa beriledi. Bul jubaıy, balasy nemese basqa jaqyn týysy bolýy múmkin.
2026 jyldan bastap osy tártip ózgerýi múmkin. Usynylyp otyrǵan túzetýlerge sáıkes, kepildendirilgen tólemdi alýshy adam aqshany qalaı alatynyn ózi tańdaı alady. Iаǵnı, birden tolyq somamen nemese aı saıyn bólip alý múmkindigi bolady.
Sonymen qatar zeınetaqy annýıtetin rásimdegen adam kelisimshartty buzbaı-aq, tólem alýshyny ózgerte alady. Bul, mysaly, bastapqy alýshy qaıtys bolǵanda nemese zeınetker aqshany basqa balalaryna ne nemerelerine bólgisi kelgen jaǵdaıda mańyzdy.
Taǵy bir naqtylaý bar. Eger annýıtet kelisimin jasaýǵa zeınetaqy jınaǵy sál jetpeı tursa, jetpeıtin somany bir rette jáne tolyq tóleý qajet bolady. Bólip tóleýge ruqsat berilmeıdi.
Qazir bul ózgerister kúshine engen joq. Zań jobasy Májiliste qaralyp jatyr.
