Foto: pixabay.com
Investısııalyq kelisim
Joba Memleket basshysynyń farmasevtıka salasynda otandyq óndiris úlesin 50%-ǵa jetkizý jónindegi tapsyrmalaryn iske asyrý aıasynda júzege asyrylady. Tıisti qaýlyǵa Premer-mınıstr Oljas Bektenov qol qoıdy.
Qujatqa sáıkes, Densaýlyq saqtaý mınıstrligi men Khan Tengri Biopharma JShS arasynda «Alataý» arnaıy ekonomıkalyq aımaǵynda zamanaýı óndiristik keshen salý jónindegi ınvestısııalyq kelisim jobasy maquldandy.
58 túrli dári-dármek óndiriledi
Jańa keshen ozyq tehnologııalarmen jabdyqtalyp, 58 túrli dárilik preparatty shyǵarýǵa múmkindik beredi. Erekshe nazar tolyq óndiristik sıkldi, sonyń ishinde belsendi farmasevtıkalyq ıngredıentterdi (API) óndirýdi iske qosýǵa aýdarylady.
О́ndiristik portfelge 27 halyqaralyq patenttelmegen ataý enedi. Olardyń qatarynda – onkologııalyq, aýtoımmýndyq, sırek kezdesetin, qabyný aýrýlaryn emdeýge arnalǵan preparattar bar.
Investısııa jáne eksport
Jobanyń jalpy ınvestısııa kólemi 103 mlrd teńgeden asady, nátıjesinde 180-nen astam turaqty jumys orny ashylady.
Bıofarmasevtıkalyq keshendi iske asyrý eldiń farmasevtıka salasyn damytýda strategııalyq mańyzǵa ıe. Joba – jergilikti óndiristi keńeıtýge, ımportqa táýeldilikti azaıtýǵa, áleýmettik mańyzy bar dári-dármekterdi kezeń-kezeńimen almastyrýǵa baǵyttalǵan.
Sonymen qatar óndiriletin ónimniń bir bóligi EAEO, TMD elderine jáne Taıaý Shyǵys naryqtaryna eksporttalmaq.
