Foto: istockphoto.com
Memleket basshysy 2025 jyldyń qarasha aıynyń sońynda qol qoıǵan zańǵa sáıkes, 25 qańtardan bastap zııatkerlik menshik salasyndaǵy jańa erejeler óz kúshine enedi. Qujattyń basty jańalyǵy – quqyqtardy ujymdyq basqarý salasyndaǵy biryńǵaı sıfrlyq platformanyń qurylýy.
Platforma ne úshin qajet?
Biryńǵaı sıfrlyq platforma naryqtyń barlyq qatysýshylary úshin ashyqtyqty qamtamasyz etedi. Onyń kómegimen:
- Sharttar jasasýdan bastap avtorlarǵa qalamaqy bólýge deıingi barlyq prosester ashyq bolady;
- Shyǵarmalardyń (án, vıdeo, mátin jáne t.b.) ınternette jáne basqa da ortalarda qalaı qoldanylyp jatqanyn baqylaýǵa múmkindik týady;
- Tólemderdi qadaǵalap, tıisti habarlamalardy alyp otyrýǵa jaǵdaı jasalady.
«Biryńǵaı sıfrlyq platformany engizý úsh kezeńde júzege asyrylady jáne 2027 jyldyń qańtarynda tolyq aıaqtalady», dep habarlady vedomstvo ókilderi.
Platformanyń resmı tanystyrylymy 2026 jyly ótedi dep josparlanǵan. Sonymen qatar jańa zań aıasynda avtorlyq jáne sabaqtas quqyqtardyń saqtalýyna memlekettik baqylaý kúsheıtilip, taýar belgilerin tirkeý merzimi 3 aıǵa deıin qysqartylady.
