Aýyl turǵyndarynyń aıtýynsha, aldymen uly Naýryz Aqtaý baǵytyna jumysqa ketetinin aıtyp, sodan keıin baılanysqa shyqpaǵan. 2025 jyldyń qazan aıynda búkil otbasy aýyldan dárigerge qaralý úshin ketkeni aıtylǵanymen, naqty baǵyty men barǵan jeri anyqtalmaǵan.
Otbasy ketkennen keıin WhatsApp arqyly ulynyń atynan mal satylyp, qarajat Kaspi qosymshasy arqyly ákesiniń shotyna aýdarylǵany belgili bolǵan. Sonymen qatar olardyń taksı qyzmetin paıdalanbaǵany jáne qalaaralyq avtobýs bıletterin almaǵany aıtylady. Osyǵan baılanysty otbasy jeke kólikpen áketilýi múmkin degen boljam bar.
Polısııaǵa resmı aryz 2025 jylǵy 25 jeltoqsanda túsken. Qazirgi ýaqytta izdestirý sharalary júrgizilip, baǵyttamalar eldiń ózge óńirlerine, sonyń ishinde Mańǵystaý oblysy aýmaǵyna joldanǵan.
Atalǵan adamdardyń barlyǵy III toptaǵy múgedek retinde tirkelgen. Qandaı da bir aqparatqa ıe azamattardan quqyq qorǵaý organdaryna habarlasý suralady.
