Oqý-aǵartý vıse-mınıstri Asylbek Ahmetjanovtyń aıtýynsha, mınıstrlik ulttyq sıfrlyq profılder júıesin jáne Ulttyq bilim berý platformasyn qurýǵa kiristi.
– Osy maqsatta Ulttyq bilim berý derekter bazasy jańǵyrtylady. Ol barlyq LMS júıesi, ıaǵnı elektrondy kúndelikter men jýrnaldar úshin biryńǵaı derekter qoımasyna aınalady. Bul barlyq málimetti QazTech memlekettik bultty platformasynda shoǵyrlandyrýǵa múmkindik beredi, – dedi Ahmetjanov.
Onyń aıtýynsha, bul muǵalimderdiń kúndelikti jumys júktemesin azaıtady. Máselen, Jasandy ıntellekt agentteri pedagogıkalyq keńesterge daıyndyq kezinde kómek kórsete alady.
– 2026-2027 oqý jylynan bastap pılottyq óńirlerdegi shaǵyn jınaqty mektepterge arnalǵan Qazaq Digital Mektebi jobasy iske qosylady. Bul joba aıasynda Jasandy ıntellekt repetıtorlary da qoldanylady. 2026 jyl boıy 200 myńnan astam pedagog jasandy ıntellektpen jumys isteýdiń praktıkalyq daǵdylaryn meńgeredi, – dedi Asylbek Ahmetjanov.
Sonymen qatar, oqýshylar arasynda jasandy ıntellekt saýatyn arttyrýǵa erekshe nazar aýdarylatyny aıtyldy.
