Qor derekterine sáıkes, 2024 jylǵy aqpannan 2026 jylǵy 1 qańtarǵa deıin turǵyn úı jaǵdaıyn jaqsartý maqsatynda 127 445 ótinish oryndalyp, jalpy somasy 19,69 mln AQSh dollaryn qurady. Al bilim berý aqysyn tóleý úshin 78 060 ótinish maquldanyp, 11,92 mln AQSh dollary baǵyttalǵan.
Turǵyn úı jaǵdaıyn jaqsartý baǵyty boıynsha eń jıi tańdalǵan kishi maqsattar mynalar boldy:
– Turǵyn úı qurylys jınaq júıesindegi salymdy tolyqtyrý arqyly ári qaraı jınaqtaý úshin 124 490 ótinish, jalpy somasy 19,27 mln AQSh dollary;
– Turǵyn úı satyp alýǵa arnalǵan ıpotekalyq qaryz alý úshin bastapqy jarna retinde 999 ótinish, 145,39 myń AQSh dollary;
– Azamattyq-quqyqtyq mámileler arqyly turǵyn úıdi menshigine satyp alý úshin túpkilikti esep aıyrysý maqsatynda 757 ótinish, 108,64 myń AQSh dollary.
Bilim berý salasynda tólemder negizinen Qazaqstan aýmaǵynda ornalasqan bilim berý uıymdarynyń qyzmetterin tóleýge jumsalǵan.
Atap aıtqanda:
– Oqý aqysy úshin kezeń-kezeńimen nemese tolyq kólemde birjolǵy tólem jasaýǵa 71 025 ótinish, 11,03 mln AQSh dollary;
– Bilim berý jınaqtaý salymyn tolyqtyrýǵa 4933 ótinish, 608,47 myń AQSh dollary;
– Sheteldik bilim berý uıymdarynyń qyzmetterin tóleýge 1706 ótinish, 228,32 myń AQSh dollary baǵyttalǵan.
BJZQ málimetinshe, baǵdarlama aıasyndaǵy tólemderge suranys turaqty túrde ósip keledi, al negizgi basymdyq turǵyn úı men bilim berý qajettilikterine berilip otyr.
