Jarııalanǵan málimetterdiń kópshiligi depýtattardyń óz tabysyn emes, jubaılarynyń kirisin kórsetedi. Ashyq derekte tek Saǵyndyq Luqpanovtyń jeke deklarasııasy bar. Ol 2024 jyly 44000 teńge tabys tapqanyn kórsetken.
Qalǵan senatorlar boıynsha jubaılardyń tabysy jarııalanǵan. Nurlan Bekenovtiń jubaıy Sara 2024 jyly 11 400 000 teńge tapqan. Sultan Dúısembınovtiń jubaıy Raıa Qydyrbaeva 5 000 000 teńge tabys alǵan. Zákirjan Kózıevtiń jubaıy Tasmııanyń kirisi 3 300 000 teńgeni quraǵan. Janbolat Júrgenbaevtyń jubaıy Danııa 12 000 000 teńge tabysyn kórsetken. Shákárim Buqtuǵutovtyń deklarasııasynda da tek jubaıy Gúlnár Buqtuǵutovanyń kirisi bar. Onyń 2024 jylǵy tabysy 12 300 000 teńge bolǵan.
Qazirgi tańda Senat saıtynda basqa senatorlardyń 2024 jylǵa arnalǵan deklarasııalary ashyq túrde jarııalanbaǵan. Bul rette kóptegen depýtattyń jeke paraqshasynda tıisti bólim bar, alaıda derek áli tolyqtyrylǵan joq.
Mundaı aqparattyń jarııalanýyna zańdaǵy ózgerister negiz boldy. Sybaılas jemqorlyqqa qarsy is qımyl týraly zańǵa engizilgen túzetýler 2025 jylǵy 1 qańtardan bastap kúshine endi. Soǵan sáıkes memlekettik organdar óz basshylarynyń jáne olardyń jubaılarynyń tabysy týraly málimetti ashyq kórsetýge mindetteldi.
Buǵan deıin de sheneýnikter jyl saıyn deklarasııa tapsyrǵan. Alaıda ol aqparat salyq qupııasyna jatqyzylyp, kópshilikke jarııalanbaǵan. Endi bul tártip ózgerdi.
Alǵash ret mundaı derekter Aqordada, Úkimette jáne ákimdikterde jarııalandy. 2024 jylǵy málimet boıynsha eń joǵary tabys kórsetken laýazymdy tulǵanyń jubaıy Erbolat Dosaevtyń jubaıy Gúlnár boldy. Onyń kirisi 2 300 000 000 teńgeni quraǵan.
2025 jylǵy jeltoqsannyń sońynan bastap deklarasııalar mindetti túrde jarııalana bastady. Degenmen olar jeńildetilgen formatta usynylady. Ashyq derekte tek aty jóni men jıyntyq tabys kórsetiledi. Aktıvter men bank shottary týraly málimet berilmeıdi.
