Agenttik azamattardy jalǵan aqparatqa senbeýge, tek resmı derekkózderge júginýge jáne ártúrli deldaldardyń kómegine júginbeýge shaqyrdy. Sonymen qatar zańnamada jalǵan aqparat taratqandarǵa jaýapkershilik kózdelgeni eske salyndy.
Agenttiktiń málimetinshe, qazirgi tańda elde qaryz alýshylardyń banktermen, mıkroqarjy uıymdarymen (MQU) jáne kollektorlyq agenttiktermen ózara is-qımyl jasaýynyń biryńǵaı zańdy tetigi qoldanysta.
Zeınetaqy qarjysyn alý úshin dárigerler jalǵan qorytyndylar jasaǵan
Qarjylyq qıyndyqtar týyndaǵan jaǵdaıda qaryz alýshy mindettemelerdi oryndaý talaptaryn ózgertý týraly jazbasha ótinishpen óz kredıtoryna (bank, MQU nemese kollektorlyq agenttik) júginýge quqyly. О́tinishke qarjylyq jaǵdaıdyń nasharlaǵanyn nemese tólemniń keshiktirilý sebepterin rastaıtyn qujattar qosa berilýi tıis. Qajetti qujattardyń tolyq tizbesi Agenttiktiń resmı saıtynda jarııalanǵan.
О́tinish kredıtordyń mekenjaıy boıynsha jeke, sondaı-aq shartta kózdelse, mobıldi qosymsha nemese elektrondyq poshta arqyly joldanady. Kredıtor joldanymdy 15 kúntizbelik kún ishinde qarap, sheshim qabyldaýǵa mindetti.
Eger kredıtordyń qabyldaǵan sheshimi qaryz alýshyny qanaǵattandyrmasa, ol bank nemese mıkroqarjy ombýdsmanyna júginýge quqyly. Bankter boıynsha ótinishter bank-ombudsman.kz, al MQU qaryzdary boıynsha mfombudsman.kz saıty arqyly qabyldanady. Ombýdsmandardyń qyzmeti tegin, al olardyń sheshimderi oryndalýǵa mindetti.
Sonymen qatar agenttik jeke tulǵalardyń bankrottyǵy rásimine de toqtaldy. Eger qaryz alýshynyń boryshty óteýge múmkindigi bolmasa, «Qazaqstan Respýblıkasy azamattarynyń tólem qabilettiligin qalpyna keltirý jáne bankrottyq týraly» zańǵa sáıkes sottan tys bankrottyq rásimin qoldanýǵa bolady.
Aqtaý turǵyny áleýmettik jelide et satatyn jalǵan paraqsha ashyp, paıda tapqan
Bul rásim mynadaı sharttar saqtalǵan jaǵdaıda bereshekti esepten shyǵarýǵa múmkindik beredi:
– Borysh somasy 1600 AEK-ten aspaýy;
– Satýǵa bolatyn múliktiń bolmaýy (birlesken menshiktegi úlesti qosa alǵanda);
– 12 aı qatarynan tólemderdiń bolmaýy;
– Sońǵy 7 jylda bankrottyq rásiminen ótpeýi;
– Qaryzdy qaıta qurylymdaý júrgizilýi.
Múlki nemese mindettemeleri 1600 AEK-ten asatyn azamattar tólem qabilettiligin qalpyna keltirý nemese sot bankrottyǵy rásimin qoldaný úshin sotqa júginýge quqyly.
Bankrottyq rásimi eGov.kz portaly nemese HQKO arqyly tegin júrgiziledi. Alaıda onyń saldary bar. Atap aıtqanda, rásim aıaqtalǵannan keıin 5 jyl ishinde jańa kredıtter men mıkrokredıtter alýǵa tyıym salynady, 3 jyl boıy qarjylyq jaǵdaıǵa monıtorıng júrgiziledi, al qaıta bankrottyq tek 7 jyldan keıin múmkin bolady.
Agenttik bereshekti retteý nemese bankrottyq rásimin bastamas buryn onyń barlyq quqyqtyq jáne qarjylyq saldaryn muqııat baǵalaý qajet ekenin atap ótti.
Aıta keteıik, Aqtóbede jalǵan qujat jasaýmen aınalysqan áıel ustaldy.
