Federasııa prezıdenti Raqymjan Erdenbekovtyń aıtýynsha, V synamasyn ashý rásimi AQSh-tyń Iýta shtatyndaǵy Solt-Leık-Sıtı qalasynda halyqaralyq antıdopıngtik reglamentterge tolyq sáıkes ótkizilgen.
– Búgin Solt-Leık-Sıtı qalasynda (Iýta shtaty, AQSh) qoldanystaǵy halyqaralyq antıdopıngtik reglamentter aıasynda jáne barlyq prosessýaldyq talaptardy saqtaı otyryp, sportshy Jánibek Álimhanulynyń V synamasyn ashý rásimi júrgizildi. Bul rásim obektıvti ári táýelsiz tekseristiń negizgi elementi sanalady, – dedi R. Erdenbekov.
Onyń aıtýynsha, synamany ashý rásimi sportshy komandasynyń ókilderi, beıindi mamandar jáne belgilengen tártippen qatysýǵa ruqsat etilgen barlyq múddeli taraptardyń qatysýymen ótken.
Dopıng daýynan keıin Álimhanulyna qatysty sheshim shyqty
– Bul óz kezeginde qandaı da bir prosessýaldyq zańbuzýshylyqtyń bolý múmkindigin tolyq joqqa shyǵaryp, barynsha ashyqtyqty qamtamasyz etedi, – dep atap ótti federasııa basshysy.
Raqymjan Erdenbekovtiń sózinshe, rásim aıaqtalǵannan keıin V synamasy mórlenip, tıisti zertteýler júrgizýge ýákiletti halyqaralyq akkredıttelgen zerthanaǵa resmı túrde tapsyrylǵan.
– Taldaý biryńǵaı standarttarǵa saı, qandaı da bir aralasýsyz nemese syrtqy yqpalsyz júrgizilýde, – dedi ol.
Federasııa prezıdenti qazirgi kezeńde qandaı da bir qorytyndy jasaýǵa nemese aıyp taǵýǵa negiz joq ekenin erekshe atap ótti.
Jánibek Álimhanuly Ring Magazine reıtınginen shyǵyp qaldy
– Qazirgi ýaqytta qandaı da bir zańdyq nemese faktilik qorytyndy jasaýǵa, aıyp taǵýǵa nemese ınterpretasııa berýge negiz joq. Qazaqstannyń kásipqoı boks federasııasy sportshynyń kinásizdik prezýmpsııasyn jáne rásimge degen qurmetti qatań ustanady, – dedi Raqymjan Erdenbekov.
Ol federasııa ustanymy ózgerissiz ekenin aıtty. Atap aıtqanda, federasııa:
– taza ári adal sportty qoldaıdy;
– halyqaralyq antıdopıngtik tetikterdi qurmetteıdi;
– resmı zerthanalyq qorytyndy shyqpaı turyp, alypqashpa aqparatqa, qysymǵa jáne aqparattyq dúrbeleńge jol bermeıdi.
– Qoǵamdyq qyzyǵýshylyqty túsinemiz, sondyqtan jaǵdaıǵa sabyrmen, salmaqty túrde jáne tek quqyqtyq alańda áreket etýdi durys dep sanaımyz. Tek resmı zerthanalyq taldaý nátıjeleri ǵana keıingi sheshimder men jarııa málimdemelerge negiz bolady. Jaǵdaıdyń damýy týraly aqparat belgilengen tártippen, ýaqtyly jáne rastalǵan qujattar negizinde habarlanady, – delingen Qazaqstannyń kásipqoı boks federasııasynyń málimdemesinde.
Aıta keteıik, belgili bapker Jánibek Álimhanulynyń mansabyna qatysty pikir bildirdi
