Taǵy bir aýrýhananyń qyzmetkeri BBC-ge bergen málimetinde hırýrgter qatty jetispeıtinin jáne jaralanǵandar aǵynyn ıgere almaı otyrǵanyn aıtqan. Derekkózder jaraqattardyń basym bóligi kóshedegi qaqtyǵystar kezinde alynǵanyn kórsetedi.
Irandaǵy narazylyqtar: meshitter órtenip, qurbandar týraly málimet tarady
Jaǵdaıdyń ýshyǵýy aıasynda juma kúni keshke Tegeranda janyp jatqan kólikter men narazylyq bildirýshilerdiń jappaı jınalǵany tirkeldi. Reuters agenttigi jarııalaǵan kadrlarda túngi ýaqytta bolǵan tártipsizdikter kórinis tapqan.
Úkimetke qarsy aksııalar eldiń ondaǵan qalasynda ótken. Quqyq qorǵaý uıymdarynyń ekeýiniń dereginshe, qaza tapqan narazylyq bildirýshiler sany keminde 50 adamǵa jetken. Alaıda bul aqparatty táýelsiz túrde tekserý óte qıyn: beısenbi keshinen beri Iranda ınternet tolyq óshirilgen, al sheteldik buqaralyq aqparat quraldary el ishinde jumys isteý múmkindiginen aıyrylǵan.
Soǵan qaramastan, BBC Starlink spýtnıktik ınterneti arqyly ırandyq dárigerlerdiń birimen baılanys ornata alǵan. Ol jedel qyzmetterdiń shamadan tys júktelgenin jáne elordadaǵy medısınalyq júıe múmkindiginiń sheginde jumys istep jatqanyn rastaǵan.
Irannyń taq murageri Reza Pehlevı halyqty jappaı narazylyqqa shyǵýǵa shaqyrdy
Osy ýaqytta AQSh prezıdenti Donald Tramp Irannyń «úlken qıyndyqqa tap bolǵanyn» aıtyp, Tegeranǵa qatań eskertý jasady. Buǵan jaýap retinde Iran bıligi narazylyqtar «jaýlyq sıpattaǵy arandatý áreketteri men jappaı vandalızmge aınaldyryldy» dep, AQSh-ty aıyptady. Bul jóninde BUU Qaýipsizdik keńesine tıisti hat joldanǵan.
Aıta keteıik, birqatar BAQ-ta Irannyń rýhanı jetekshisi Máskeýge qashýdy josparlap otyrǵany jarııalandy.
