Mundaı aksııalar el astanasynda Madýro men onyń jubaıy ustalǵan sátten bastap kún saıyn ótip keledi. Kóshedegi narazylyqtar aıasynda Venesýelanyń syrtqy ister mınıstrligi 2019 jyly Donald Tramptyń alǵashqy prezıdenttik merzimi kezinde úzilgen dıplomatııalyq qatynastardy qalpyna keltirý máselesi boıynsha AQSh-pen kelissózder bastalǵanyn málimdedi.
Vashıngton Venesýelanyń munaı salasyna 100 mlrd dollar ınvestısııa salady
AQSh bıligi elshiliktiń jumysyn qaıta jandandyrýdy talqylaý úshin amerıkalyq delegasııanyń Karakasqa barǵanyn rastady. Osy ýaqytta prezıdent mindetin ýaqytsha atqarýshy Delsı Rodrıges birqatar saıası tutqyndardyń bosatylǵanyn jarııalady. Quqyq qorǵaýshylardyń dereginshe, 10 qańtarǵa deıin 18 adam bostandyqqa shyqqan.
Qalǵan tutqyndardyń týystary Karakastyń shyǵysyndaǵy El-Rodeo túrmesiniń mańynda kezekshilik jasap, aldaǵy ýaqytta taǵy da bosatýlar bolady dep úmittenip otyr. Quqyq qorǵaý uıymdarynyń málimetinshe, qazirgi ýaqytta Venesýelada 850-den astam saıası tutqyn bar, olardyń basym bóligi Madýro bıligi kezinde ustalǵan.
Eske salaıyq, 3 qańtarda AQSh Karakasqa shabýyl jasap, Venesýela prezıdenti Nıkolas Madýro men onyń jubaıy Sılııa Floresti tutqyndaǵan. Nıý-Iork sotynda olarǵa narkoterrorızm, kokaın tasymaldaý, qarýdy zańsyz saqtaý jáne sóz baılasý baptary boıynsha aıyp taǵylǵan. Nıkolas Madýro bul aıyptaýlardy joqqa shyǵarady.
