Haıýanattar baǵynyń aksııasy myńdaǵan shyrshalardyń «ekinshi ómirine» múmkindik beredi.
Qalalyq ákimdiktiń málimetinshe, jınalǵan shyrshalar torlarǵa ornalastyrylyp, tirshilik etý ortasyn baıytatyn elementterge aınalady. Qylqan japyraqty aǵashtar janýarlarǵa oıynshyq retinde de, tátti-dámdiler retinde de qyzmet etedi. Onyń ústine óte paıdaly, S dárýmenine baı. Shyrshalardy ıagýarlar men maımyldar jaqsy kóredi. Olarmen maraldar da oınaǵandy unatady.
«Shyrshalar buǵylar, elikter, qyrǵaýyldar, qoshqarlar jáne basqa da janýarlar qorasynda qoldanylady. Jańa tabıǵı obektiler janýarlardy qyzyqtyrady: olar aǵashtardy zertteıdi, olardyń dámin kóredi, úıkeleıdi, butaqtarymen jáne qabyǵymen oınaıdy. Bul olardyń belsendiligin arttyrýǵa, kúızelisti azaıtýǵa jáne kúndelikti ómirdiń alýan túrliligine yqpal etedi» delingen habarlamada.
Ekologııalyq quramdas bólikten basqa, aksııanyń aǵartýshylyq maqsaty da bar – ol qala turǵyndaryna tabıǵatqa uqypty qaraýdyń mańyzdylyǵyn eske salady.
