Foto: «AMANAT» partııasy
Kezdesýge Májilis depýtaty Abzal Quspan, oblystyq ardagerler keńesiniń tóraǵasy Murat О́teshov, «AMANAT» partııasy Atyraý oblystyq fılıalynyń tóraǵasy Abdolla Idresov jáne oblystyq máslıhat depýtaty Jeńis Ábilqares qatysty.
Basqosý barysynda memlekettik shekara kúzetinde turǵan bólimsheniń materıaldyq-tehnıkalyq jaǵdaıy talqylandy. Atap aıtqanda, Jaǵalaý kúzeti paıdalanatyn ákimshilik-turmystyq ǵımarat 1980 jyly salynǵan burynǵy balabaqsha ǵımaraty ekeni, tehnıkalyq qorytyndy boıynsha nysan apatty jaǵdaıda turǵany aıtyldy. Ǵımarat qoldanysqa berilgennen beri jóndeý jumysy júrgizilmegen. Jaýyn-shashyn kúnderi ǵımarat tóbesinen sý aǵyp, paıdalanýǵa jaramsyz kúıge túsken.
Kezdesýde Májilis depýtaty, «AMANAT» partııasy fraksııasynyń múshesi Baqtyqoja Izmuhambetov áskerı qyzmettiń máni men mańyzyna toqtaldy.
«Memleket basshysy jýyrda «Turkistan» gazetine bergen suhbatynda áskerı qyzmettiń abyroı-bedelin kóterý jáne elimizdiń qorǵanys qabiletin arttyrý memlekettiń basty basymdyǵynyń biri ekenin aıtty. Prezıdent atap ótkendeı, «Sarbaz bolý – ózińdi damytý úshin tyń múmkindikterge ıe bolý degen sóz. Otan qorǵaý – elimizdiń ár azamatynyń eń qasterli boryshy. Memleket qaýipsizdigin, el men jer tutastyǵyn qamtamasyz etý – barshaǵa ortaq mindet. Sondyqtan jastar qaýymy sapaly áskerı daıarlyqtan ótýge tıis. Biz buǵan erekshe kóńil bólip kelemiz. Áskerdegi tártip máselesin jiti qadaǵalaımyz. Áskerı qyzmetshilerdiń áleýmettik jaǵdaıy da nazardan tys qalmaıdy», dedi ol.
Aıta keteıik, 2024 jyly Baqtyqoja Izmuhambetov osy mekeme ujymymen kezdesý ótkizip, birqatar kúrmeýli máseleni kótergen bolatyn. Sonyń nátıjesinde dıvızıondaǵy kólik turaǵy jańǵyrtylyp, qaıta salyndy. Bıyl quny 17 mln teńgeni quraıtyn jóndeý jumysyn bastaý josparlanyp otyr.
«Teńizshevroıl» Atyraý jylý elektr ortalyǵyna gaz jetkizýdi toqtata ma?
Kezdesý barysynda UQK Shekara qyzmeti Atyraý oblystyq departamentiniń Jaǵalaý kúzeti dıvızıonynyń komandıri Farhad Mırmanov mekemede júzege asyrylyp jatqan jobalar týraly baıandap, sheshimin kútken túıtkildi máselelerge toqtaldy.
О́z kezeginde Baqtyqoja Izmuhambetov kóterilgen máseleler sheshimin tabýy úshin ýákiletti memlekettik organdarmen birlesip, tıisti jumys júrgiziletinin atap ótti.
Eske salaıyq, keshe Májilis depýtattary, «AMANAT» partııasy fraksııasynyń músheleri Murat Ábenov, Marhabat Jaıymbetov jáne Murat Ergeshbaev Qyzylorda oblysyna jumys sapary kezinde jergilikti «Eko taksı» otandyq servısiniń jumysymen tanysyp, Prezıdenttik saıabaqty qaıta qurý barysyn tekserdi.
