Oqıǵa • 16 Qańtar, 2026

Jalǵan túbirtekpen dúken satýshylaryn san soqtyrǵan alaıaq ustaldy

10 ret

kórsetildi

1 mın

oqý úshin

Almatynyń Almaly aýdanynyń polısııa qyzmetkerleri shaǵyn azyq-túlik dúkenderiniń ıeleri men satýshylaryn aldaý arqyly paıda tapqan kúdiktini ustady. Onyń buǵan deıin de alaıaqtyqpen qylmystyq jaýapkershilikke tartylǵany anyqtalyp otyr, dep habarlaıdy Egemen.kz.

Shyńǵys MUQAEV

Jalǵan túbirtekpen dúken satýshylaryn san soqtyrǵan alaıaq ustaldy

Foto: IIM

Ol arnaıy qosymshalardy paıdalanyp, taýar úshin onlaın tólem jasalǵany týraly jalǵan elektrondy chekterdi aldyn ala daıyndaǵan. Dúkende esep aıyrysý kezinde satýshyǵa jalǵan chek kórsetip, aqsha aýdarylǵandaı áser qaldyrǵan, alaıda naqty tólem jasalmaǵan. Osylaısha taýardy aqysyz alyp otyrǵan.

Túbirtek talap etýdiń astarynda ne bar?

IIM málimetinshe, sotqa deıingi tergep-tekserý júrgizilip jatyr.

«Kúdikti aldyn ala oılastyrylǵan shema boıynsha áreket etken. Qosymshalar arqyly onlaın tólem jasalǵany týraly jalǵan chekter daıyndap, shaǵyn dúkenderdiń satýshylaryn adastyrǵan. Kóp jaǵdaıda esep aıyrysý qolma-qol aqshasyz júrgiziletindikten, adamdardyń muqııat teksermeıtinine sengen. Qazirgi ýaqytta barlyq qajetti tergeý amaldary júrgizilip, jábirlenýshilerdiń tolyq tizimi anyqtalyp jatyr», dedi Almaly aýdandyq polısııa basqarmasynyń bastyǵy Maqsat Pshan.

Polısııa kásipkerler men saýda salasy qyzmetkerlerin saq bolýǵa shaqyrady.

Aıyppuldy tólegeni týraly jalǵan túbirtek bergen astanalyq sottaldy