Syılyqqa ótinimdi qalaı usynýǵa bolatyny týraly aqparat Mádenıet jáne aqparat mınıstrliginiń resmı saıtynda jarııalandy. Sonymen qatar saıtta syılyqqa usynýdyń talaptary men qajetti qujattar tizimi de kórsetilgen. Talap boıynsha jumys Abaı atyndaǵy memlekettik syılyqqa bir ret qana usynylady. Buryn syılyqqa ıe bolǵan jumystar konkýrsqa jiberilmeıdi.
Sondaı-aq bir avtor nemese avtorlar ujymy Abaı atyndaǵy memlekettik syılyqqa qatarynan eki ret usynyla almaıdy. Avtorlar ujymy syılyqqa usynylǵan jaǵdaıda úmitkerler sany 5 adamnan aspaýǵa tıis. Syılyqqa jumystardy memlekettik organdardyń alqalary, shyǵarmashylyq odaqtar men ujymdar usynady. Syılyqqa qatystyrylatyn shyǵarma bes jyldan aspaıtyn ýaqytta jáne keminde bir jyl buryn kóptiń yqylasyna bólengen týyndy bolýy kerek. О́tinimder men jumystar 2026 jyldyń 1 naýryzyna deıin qabyldanady.
Aıta keteıik, Abaı atyndaǵy memlekettik syılyq eki jyl saıyn berilip keledi. 2024 jyly memlekettik syılyqqa ádebıet boıynsha «Kókiregim kóne kitap» jyr kitaby úshin aqyn Svetqalı Nurjan men «Adamnyń bir qyzyǵy bala degen» kitaby úshin jazýshy Qulbek Ergóbek ıe boldy. Al óner salasy boıynsha «Kóshpendi freskalar» kıizden bastyrylǵan pannolary men «Álem órnekteri» gobelender toptamasy úshin Álibaı Bapanov pen Sáýle Bapanova (avtorlyq ujym), «Balalyqtan danalyqqa jol» toptamalar jınaǵy úshin sýretshi Januzaq Músápir ıelendi.
