«Zań men tártip» qaǵıdatyn júzege asyrý aıasynda Qaraǵandy oblysynyń polısııa departamenti esirtki quraldarynyń zańsyz aınalymyna qarsy baǵyttalǵan keshendi jáne júıeli jumysty jalǵastyryp jatyr. Is-sharalar barysynda 14 qańtar kúni Qaraǵandy qalasynda esirtki qylmysyna qarsy is-qımyl bóliminiń qyzmetkerleri júrgizgen arnaıy operasııa nátıjesinde esirtki zattaryn zańsyz ótkizdi degen kúdikpen 21 jáne 39 jastaǵy eki kúdikti ustaldy.
Tintý barysynda kúdiktilerdiń turǵylyqty mekenjaılarynan ártúrli telefondar, elektrondy tarazylar, qaptama materıaldary, sondaı-aq ósimdik jáne untaq tárizdi esirtki zattary tabylyp, tárkilendi. Atap aıtqanda, jalpy salmaǵy shamamen 30-40 gramdy quraıtyn jasyl tústi spaıs tárizdi zat salynǵan 30-dan astam orama, sondaı-aq aq jáne qońyr tústi untaq tárizdi zattary bar, jalpy salmaǵy 10 gramnan asatyn oramdar anyqtaldy.
Tergeý barysynda kúdiktilerdiń 2025 jyldyń tamyz aıynan bastap esirtki zattaryn taratýmen aınalysqan ınternet-dúkenderdiń birinde kýrer retinde zańsyz qyzmet atqarǵany belgili boldy. Olardyń áreketin «StroyKz09» laqap atymen tirkelgen belgisiz adam uıymdastyryp otyrǵan.
Atalǵan fakti boıynsha qylmystyq is qozǵalyp, kúdiktiler ýaqytsha ustaý ızolıatoryna qamaldy. Qazirgi ýaqytta sotqa deıingi tergep-tekserý júrgizilip, oqıǵanyń barlyq mán-jaıy anyqtalyp jatyr.
Esirtki bıznesine qarsy kúres: 6 myńnan astam adam jaýapqa tartyldy
