Otyrysta Memlekettik keńesshi Erlan Qarın Prezıdentke Jumys tobynyń atqarǵan jumysy týraly baıandap, Parlamentti transformasııalaýǵa qatysty usynylyp otyrǵan konstıtýsııalyq ózgeristerdiń kólemi keń ekenin atap ótti. Onyń aıtýynsha, bastamalar bılik tarmaqtary arasyndaǵy tepe-teńdikti kúsheıtýge jáne ókildi organnyń rólin arttyrýǵa baǵyttalǵan.
Parlament Májilisindegi «Amanat» partııasy fraksııasynyń jetekshisi Elnur Beısenbaev, «Aq jol» partııasynyń kóshbasshysy Azat Perýashev jáne «Jalpyulttyq sosıal-demokratııalyq partııa» fraksııasynyń basshysy Ashat Rahymjanov parlamenttik reforma aıasynda júzege asyrylatyn konstıtýsııalyq ózgeristerdiń aýqymdy ekenin málimdedi. Olardyń sózinshe, óńirlerde ótken depýtattardyń jumys kezdesýlerinde azamattar aldaǵy saıası reformalarǵa erekshe qyzyǵýshylyq tanytyp, belsendi pikir bildirip otyr.
Sondaı-aq jıynda Parlament Senatynyń Konstıtýsııalyq zańnama, sot júıesi jáne quqyq qorǵaý organdary komıtetiniń tóraǵasy Nurlan Beknazarov, Májilis depýtattary Únzıla Shapaq, Marat Báshimov, Nıkıta Shatalov, sondaı-aq saıasattanýshy Bórihan Nurmuhamedov óz kózqarastaryn ortaǵa saldy.
Toqaev: Konstıtýsııanyń birden birneshe bólimin qaıta qaraý qajet bolady
Qatysýshylardyń pikirinshe, usynylyp otyrǵan ózgerister Parlamenttiń ókilettigin keńeıtýge, zań shyǵarý úderisiniń sapasyn arttyrýǵa jáne qoǵam men bılik arasyndaǵy dıalogty nyǵaıtýǵa serpin beredi.
