Foto: Ekologııa jáne tabıǵı resýrstar mınıstrligi
«Teńizshevroıl» kompanııasynyń baspasóz qyzmeti saqtyq sharasy retinde Teńiz jáne Korolevskoe ken oryndarynda munaı óndirý ýaqytsha toqtatylǵanyn rastady.
– Bul sheshim óndiristik nysandardaǵy elektr energııasyn taratý júıeleriniń keıbirine áser etken jaǵdaıǵa baılanysty qabyldandy. Zardap shekkender joq. Qyzmetkerlerdiń qaýipsizdigi kompanııa úshin eń joǵary basymdyq bolyp qala beredi. TShO-nyń tehnıkalyq qyzmetteri oqıǵanyń bastapqy sebebin anyqtaý baǵytynda belsendi jumys júrgizip jatyr, – dep málimdedi kompanııanyń baspasóz qyzmeti.
Kompanııa ókilderi oqıǵanyń saldaryn múmkindiginshe tezirek joıýǵa kúsh salyp jatqanyn jáne teris áserlerdi azaıtý úshin memlekettik organdarmen tyǵyz baılanysta jumys istep otyrǵanyn atap ótti.
«Teńizshevroıl» Atyraý jylý elektr ortalyǵyna gaz jetkizýdi toqtata ma?
– Teńiz ken orny men barlyq óndiristik nysandar qaýipsiz kúıde, senimdi qorǵalǵan, – dep sendirdi TShO.
Eske salaıyq, keshe Teńiz ken ornynda órt bolǵanyn habarlaǵan edik.
