Oqıǵa • 23 Qańtar, 2026

Azamattardy avtonesıe rásimdeýge májbúrlegen qylmystyq top ustaldy

20 ret
kórsetildi
1 mın
oqý úshin

Ishki ister mınıstrligi uıymdasqan qylmysqa qarsy kúres basqarmasy avtonesıe rásimdeý salasynda qylmystyq júıeni toqtatty. 19 qańtar kúni Almaty, Shymkent qalalary men Almaty, Batys Qazaqstan jáne Túrkistan oblystarynda áleýmettik osal top azamattarynyń atyna avtonesıe rásimdep, keıin avtokólikterdi shetelge shyǵaryp otyrǵan qylmystyq top qolǵa tústi, dep jazady Egemen.kz.

Azamattardy avtonesıe rásimdeýge májbúrlegen qylmystyq top ustaldy

Foto: polisia.kz

Kúdiktiler qorǵansyz azamattardy qorqytyp, qysym kórsetip óz atyna avtonesıe rásimdeýge májbúrlegen.

Olardy tólem jasaýǵa qabiletti retinde kórsetý úshin esepshotyna ýaqytsha qarjy aýdaryp, azamattardyń nesıe tarıhyn qoldan jaqsartqan.

Qylmystyq top músheleri jalǵan qujattardy paıdalanyp, kólikterdi kepilge qoıyp, mıkroqarjy uıymdarynan nesıe alǵan. Odan soń qymbat avtokólikter shetelde satylǵan.

Halyqtyń ıpotekaǵa suranysy tómendedi: avtonesıege qyzyǵýshylyq artty

«Qazir osyndaı 15 derek anyqtalyp, ózge de epızodtar boıynsha jumys júrgizilip jatyr. Tintý is-sharalary barysynda birneshe atys jáne sýyq qarý, oq-dáriler, sondaı-aq qylmystyq áreketterdi rastaıtyn qujattar men aqparat tasymaldaǵyshtar tárkilendi», delingen IIM habarlamasynda.

Qylmystyq iske qatysy bar negizgi 6 kúdikti qamaýǵa alynyp, ýaqytsha ustaý ızolıatoryna qamalǵan.

2025 jyly avtonesıe salasynda ne ózgeredi?

Buǵan deıin sheteldikterden aqsha bopsalaǵan qylmystyq top qolǵa túskenin habarlaǵanbyz.