Foto: bfm.ru
Bul salada sońǵy bes jylda óndiris kólemi 5,2 ese artqan. Máselen, 2019 jyly óndiris kólemi nebári 68,7 mln teńgeni qurasa, 2022 jyly bul kórsetkish 183,3 mln teńgege jetken. Al 2023 jyldan bastap sala jylyna 400–450 mln teńge deńgeıinde turaqtalǵan.
Avtojabdyqtar óndirisiniń artýy jalpy avtomobıl ónerkásibindegi rekordtyq kórsetkishter aıasynda múmkin bolyp otyr. 2025 jyldyń qorytyndysy boıynsha elimizde barlyq úlgidegi 171,1 myń avtokólik óndirilip, olardyń jalpy quny 2,3 trln teńgeden asqan. Mundaı ósim ishki avtokólik naryǵynyń ke
ńeıip jatqanyn jáne oǵan ilespe bólshekter men kerek-jaraqtarǵa, sonyń ishinde qosalqy qyzmet kórsetý segmentine turaqty suranys qalyptasqanyn kórsetedi.
Energyprom.kz dereginshe, 2025 jylǵy jeltoqsan aıynyń qorytyndysy boıynsha jeke avtokólikterge arnalǵan qosalqy bólshekter men kerek-jaraqtardyń baǵasy jyldyq eseppen 5,5%-ǵa ósti. 2024 jyldyń jeltoqsanynda bul kórsetkish – 3,8%-dy quraǵan, al sońǵy jyldardaǵy eń joǵary baǵa ósimi 2022 jyldyń jeltoqsanynda tirkelip, birden 24,4%-ǵa jetken. Osylaısha, qazirgi baǵa ózgeristeri qalypty deńgeıde qalyp, aldyńǵy jyldardaǵy shekti mánderden aıtarlyqtaı tómen bolyp otyr.
О́ńirlik bóliniste baǵa dınamıkasy birkelki emes. О́tken jyldyń jeltoqsanyndaǵy qorytyndy boıynsha jeke avtokólikterge arnalǵan qosalqy bólshekter men kerek-jaraqtardyń eń qymbat baǵasy Jambyl oblysynda tirkelgen. Olardyń quny óńirde jyl ishinde 15,8%-ǵa ósip, respýblıkalyq ortasha deńgeıden shamamen úsh ese joǵary kórsetkish tirkelgen. Sondaı-aq Soltústik Qazaqstan, Qostanaı jáne Atyraý oblystarynda da 11%–13,3% aralyǵynda aıtarlyqtaı ósim baıqalǵan.
Kerisinshe Almaty jáne Aqtóbe oblystarynda qosalqy bólshekter 0,1% jáne 0,8% kórsetkishpen eń tómen deńgeıde qun qosqan. Al Ulytaý oblysynda kólikterge arnalǵan qosalqy bólshekter men kerek-jaraqtardyń baǵasy jyl ishinde ózgermegen.
Aıta keteıik, avtobólshekter baǵasynyń qalypty ósýi jol-kólik oqıǵalarynan zardap shekken kólikter sanynyń kúrt artýyna baılanysty baıqalyp otyr. 2025 jyldyń qorytyndysy boıynsha mundaı jol-kólik oqıǵalarynyń sany 36,1 myńǵa jetse, bir jyl buryn bul kórsetkish 31,6 myńdy quraǵan. 2015–2023 jyldar aralyǵynda jol-kólik oqıǵalarynyń sany 13,3–18,9 myń aralyǵynda bolǵan. Sonymen qatar, 2024 jáne 2025 jyldary shyǵyn kólemi 300 myń teńgeden aspaıtyn, shamamen 43 myń jol-kólik oqıǵasy tirkelgen.
Qosalqy bólshekter segmentimen salystyrǵanda, jeke avtokólikterge tehnıkalyq qyzmet kórsetý jáne jóndeý qyzmetteri baǵaǵa aıtarlyqtaı áser etip otyr. 2025 jyldyń jeltoqsanyndaǵy qorytyndy boıynsha mundaı qyzmetterdiń quny jyldyq eseppen – 17,7%-ǵa ósken, al bir jyl buryn ósim – 10,9%-dy quraǵan.
