Foto: gov.kz
A.Lastaev ómir súrý quqyǵyn absolıýtti quqyq retinde bekitý bastamalaryn qoldaý qazirgi qazaqstandyq memlekettiń basty qundylyqtaryn kórsetetinin atap ótti.
«Biz múmkindiginshe ómir súrý quqyǵyn absolıýtti etýge ótinish bildirdik. Buǵan kóptegen bedeldi sarapshylar, sonyń ishinde halyqaralyq deńgeıdegiler de: «Jaraısyńdar!» dep aıtady», dedi ol.
S.Ponomerev: «Taza Qazaqstan» – Konstıtýsııadaǵy jańa jaýapkershilik ólshemi
Ombýdsmenniń aıtýynsha, ómir súrý quqyǵynyń absolıýtti sıpatyn Konstıtýsııada bekitý tek ólim jazasynan bas tartýdy bildirmeıdi, sonymen qatar kez kelgen jaǵdaıda – apat kezinde, aýyr halde nemese shabýyl jasalǵanda – azamattardyń ómirin mindetti qorǵaýdy qamtamasyz etedi.
Artýr Lastaev ádil sotqa kepildikterdi adamnyń negizgi quqyqtary men bostandyqtary bólimine kóshirý jónindegi usynystar Qazaqstannyń ulttyq qundylyqtary men tarıhı tájirıbesine tolyq sáıkes keletinin aıtty.
«Bul qaǵıdattar bıler soty dáýirinen beri qalyptasyp, azamattardyń ar-namysy men qadir-qasıetin, jeke bostandyǵyn jáne jeke ómirine qol suǵylmaýshylyqty dástúrli túrde qorǵap kelgen. Bul qaǵıdattardy negizgi adam quqyqtarynyń qataryna engize otyryp, biz Konstıtýsııada ulttyq qundylyqtarymyzdy ári tarıhı tájirıbemizdi beıneleımiz», dep túıindedi A.Lastaev.
Sonymen qatar, ol Konstıtýsııanyń jetinshi bóliminiń ataýyn ózgertý bastamasyn qoldap, bul ózgerister adam quqyqtaryn qorǵaýǵa basymdyq berýdi kúsheıtetinin atap ótti. Ombýdsmenniń pikirinshe, jańartylǵan Konstıtýsııa redaksııasynda osy normalardy bekitý Qazaqstan úshin adam men onyń quqyqtary men bostandyqtary – eń joǵary qundylyq ekenin rastaıdy.
B.Altynbekov: Konstıtýsııalyq reforma – damýdyń jańa baǵytyn tańdaý
