Sýret: ernur.kz
- Japonııanyń Rizin FF lıgasynda aıqasyp júrgen aralas jekpe-jektiń has sheberi Qarshyǵa Dáýitbek (18-3) kelesi kezdesýin 7 naýryzda Tokıoda «Aıdahar» degen búrkenshik esimmen tanylǵan jergilikti sportshy Rıýıa Fýkýdaǵa (26-9-1) qarsy ótkizedi. Qandasymyz bul promoýshenniń chempıondyq belbeýine burynyraq talasýǵa tıis edi. Sebebi Qarshyǵa Japonııada uıymdastyrylǵan jarystardyń barlyǵynda qarsylastaryn qoǵadaı japyrdy. Tek 31 jeltoqsanda ótken sońǵy kezdesýinde Iýta Kýbo qazaq faıteriniń kózin shuqyp alyp, jekpe-jektiń nátıjesi esepke alynbady.
- Italııanyń Posse-dı-Fasse qalasynda taý shańǵysynan halyqaralyq týrnır aıaqtaldy. Áıelder slalomynda synǵa túsken Aleksandra Skorohodova aldyna jan salmaı, altynnan alqa taqty. Ekinshi, úshinshi oryndardy ıtalııalyq Djýn Garıtano Itýrbe men amerıkalyq Emma Gýggenhaımer ıelendi.
- Tashkentte bokstan О́zbekstan chempıonaty márege jetti. 90 kg salmaq dárejesiniń fınalynda Madııar Saıdraqymov pen Shahzod Palvonov kezdesti. Bul báseke alǵashqysynyń paıdasyna sheshildi. Sóıtip, 28 jastaǵy qandasymyz kórshiles eldiń chempıony atandy. Qalyń qazaq shoǵyrlanǵan Bostandyq aýdanynda dúnıege kelgen Madııar buǵan deıin 2019 jyly áskerıler arasynda álem chempıony, 2021 jyly álem chempıonatynyń qola júldegeri boldy, 2022 jyly Azııa birinshiliginiń fınalynda oınady.
- AQSh-tyń Long-Bıchinde ótken jarysta ekinshi jartylaı jeńil salmaqta saıysqa túsken kásipqoı boksshy Aıdos Medet armenııalyq Azat Ovannısıannan tóreshilerdiń sheshimimen utyldy. Osyǵan deıin 13 jekpe-jekte jeńiske jetken qandasymyz óz mansabynda alǵash ret jeńilis tapty.
