Tórt kúnge sozylǵan tartysty oıyndarda qatysýshylardyń árqaısysy óz sheberligin kórsetip, taktıkalyq oılaýdy sarapqa saldy. Týrnırge barlyǵy 52 sportshy qatysyp, jarys 7 kezeń boıynsha uıymdastyryldy.
Oblystyq birinshilik qorytyndysy boıynsha úzdik oıynshylar anyqtalyp, marapattaý rásiminde Abaı oblysy Toǵyzqumalaq federasııasynyń prezıdenti Jarqyn Jumadilov pen Abaı oblysynyń dene shynyqtyrý jáne sport basqarmasynyń basshysy Baqyt Bekbosynov jeńimpaz ben júldegerlerge medaldar men dıplomdar tabys etti.
Toǵyzqumalaq federasııasynyń prezıdenti Jarqyn Jumadilov oblysta toǵyzqumalaqtyń qarqyndy damyp kele jatqanyn aıta kele,sportshylar men bapkerlerge alǵysyn jetkizdi.
«Jýyrda «Abaıdyń zııatkerlik izimen» atty toǵyzqumalaq úıirmesiniń ashylýy –óńirimizde ulttyq oıyndardy damytý baǵytyndaǵy mańyzdy qadam. Toǵyzqumalaq –halqymyzdyń san ǵasyrlyq dástúrli zııatkerlik oıyny, hakim Abaıdyń da súıikti oıyndarynyń biri. Sondyqtan ony oblystakeńinen damytyp, jastar arasynda nasıhattaý zańdy ári mańyzdy qubylys dep sanaımyz.Oıynshylarymyz aldaǵy ýaqytta halyqaralyq jáne respýblıkalyq deńgeıdegi baıqaýlarda óz sheberlikterin dáleldep, jaqsy nátıjelerge qol jetkizetinine senemiz. Osy baǵytta jumys istep jatqan bapkerlerge jáne qatysýshylarǵa alǵys bildiremin», dedi J.Jumadilov.
Rasynda, toǵyzqumalaq – tek oıyn emes, strategııalyq oılaý men zııatkerlikti shyńdaıtyn jarys. Osy rette atalǵan týrnır oblys sportynyń damýyna serpin berip, talantty sportshylardyń respýblıkalyq jáne halyqaralyq arenalarǵa jol ashýyna múmkindik bereri sózsiz.
