Foto: Ashyq derekkózden
Quzyrly organdarǵa oqıǵa týraly habardy kýágerler jetkizgen. Qalalyq polısııa departamenti kúdiktini oqıǵanyń izin sýytpaı ustady. Alaıda ustaý operasııasy kezinde qarsylyq kórsetken kúdiktige polısııa qyzmetkerleri qoldanystaǵy zań talaptaryna sáıkes tabeldik qarý qoldanýǵa májbúr bolǵan.
«Kúdikti medısınalyq mekemege jetkizildi jáne polısııanyń kúzetinde. Qazirgi tańda oqıǵanyń barlyq mán-jaıyn anyqtaýǵa baǵyttalǵan qajetti tergeý áreketteri júrgizilip jatyr», delingen qalalyq polısııa departamenti taratqan habarlamada.
Eske salaıyq, 11 qańtar kúni saǵat 18:40-ta Shymkenttegi Tólemetov kóshesi boıyndaǵy №69/39 úıdiń mańynan Nuraı Serikbaıdyń máıiti tabylǵan edi. Keıinnen marqumnyń aǵasy kúdiktiniń Nuraıdyń ár qadamyn ańdyǵanyn málimdedi.
Bul iske nemquraıly qaraǵan polıseılerge qatysty qylmystyq is qozǵaldy.
Stalkıng qurbany bolǵan qyzdyń ólimine qatysty iske Memleket basshysy nazar aýdaryp, IIM men Bas prokýratýraǵa tikeleı baqylaý jasaýdy tapsyrǵan edi.
Budan bólek, Shymkent qalasynda jol apatynan keıin týyndaǵan jappaı tóbeles saldarynan bir adam qaza taýyp, tórt kúdikti ustalǵanyn habarlaǵanbyz.
