Madı Myrzaǵaraev Komıssııa jumysynyń qarqyndy júrip jatqanyn atap ótti.
«Qazaqstan Respýblıkasy Konstıtýsııasyna engiziletin túzetýlerdiń jınaqtalǵan jobasy usynyldy. Joba azamattardyń, sarapshylardyń, sonyń ishinde ókildi advokattar alqasynyń usynystaryn eskere otyryp ázirlengen. Jobaǵa engizilgen jańa normalar qoǵamnyń úmit-tilegine saı keledi, sebebi olar adam quqyqtarynyń negizgi máselelerine tikeleı qatysty», dedi advokattar alqasynyń tóraǵasy.
Atap aıtqanda, jaýapkershilikti kúsheıtetin zańnyń keri kúshi, sot sheshiminsiz ustaýǵa jol bermeý kepildikteri, sondaı-aq quqyq qorǵaý organdarynyń ustalǵan adamǵa sot sátinde onyń quqyqtaryn túsindirý mindeti sııaqty mańyzdy máseleler eskerilgen.
«Men úshin advokatty qylmystyq proseste prokýrormen teń quqyqty tarap retinde Konstıtýsııa deńgeıinde bekitý týraly usynystyń qoldaý tapqany erekshe mańyzdy ári qýanyshty. Jobada alǵash ret advokattardyń quqyqtyq mártebesine arnalǵan arnaıy bap engizildi. Bul bizge azamattardyń quqyqtaryn prosestiń basqa qatysýshylarymen teń jaǵdaıda qorǵaýǵa naqty múmkindik beredi», dedi Madı Myrzaǵaraev.
Sonymen qatar, spıker usynylyp otyrǵan ózgeristerdiń aýqymdy ekenin atap ótip, osyǵan baılanysty jańa Konstıtýsııa máselesin qarastyrý oryndy ekenin aıtty.
«Konstıtýsııanyń mazmundyq tujyrymdamasyn ózgertýge baǵyttalǵan ózge de mańyzdy jańashyldyqtar bar. Olardyń barlyǵy qoǵamnyń qazirgi zamanǵy suranystaryna jaýap beredi. Osyǵan baılanysty Konstıtýsııalyq komıssııa aıasynda jańa Konstıtýsııa máselesin qarastyrýdy oryndy dep sanaımyn. Taǵy bir márte atap ótkim keledi: bul ózgerister boıynsha túpkilikti sheshimdi Qazaqstan halqy qabyldaıdy. Bul ózgeristerdiń taǵdyry referendýmda aıqyndalady. Búgingi bizdiń mindetimiz – qoǵamǵa adamǵa baǵdarlanǵan, naqty ári túsinikti konstıtýsııalyq sheshimder usyný», dedi Konstıtýsııalyq komıssııa múshesi.
Mınıstr Erlan Sársembaev Konstıtýsııanyń jańa redaksııasyn qabyldaýdy qoldady
