Jyldam ózgerip jatqan álemde – kúndelikti tehnologııalyq jetistikter búkil planetanyń keleshek ómir súrý paradıgmasyn ózgertip jatqan shaqta negizgi resýrs mıneraldar emes, adam ekeni anyq.
Búginde «bilim ekonomıkasy» dep atalatyn jańa uǵym barlyq ózgeristerdiń negizi jáne qozǵaýshy kúshi. Osy turǵyda Konstıtýsııada adamı kapıtaldyń damýyna baǵyttalǵan saıasatty bekitý Qazaqstandy álemdik sahnada aldyńǵy qatarǵa shyǵýǵa jáne damyǵan elder arasynda óz ornyn alýǵa múmkindik beredi.
Myńjyldyq tarıhtyń sabaqtastyǵy – jańa Konstıtýsııa jobasy aıqyndap bergen baǵdar
Ǵylymnyń damýy tehnologııalyq progreske qýatty serpin berip, jańa naryqtar qalyptastyrady, kapıtal tartady, sáıkesinshe halyqtyń jalpy ál-aýqatyn arttyrady.
Sonymen qatar bul memleket únemi adamdarǵa ınvestısııa salýdy, ǵylymdy jáne bilim berý júıesin damytýǵa nıetti ekenin kórsetedi. Sonyń arqasynda ulttyń sapasy da únemi jaqsaryp otyrady.
Jańa Ata Zańnyń jobasynda qandaı myzǵymas qaǵıdattar bekitildi?
Buǵan qosa, memleket tarapynan adamı kapıtaldy, ǵylym men ınnovasııalar salasyn damytýǵa degen nıet Konstıtýsııanyń basqa baptarymen de bekitilgen. Mysaly, jańa Konstıtýsııa zııatkerlik menshik quqyqtaryn qorǵaıdy, bul halyqaralyq quqyq qoldaný tájirıbesin júzege asyrý turǵysynan mańyzdy.
Sondaı-aq ǵylymdy damytýǵa jáne ınnovasııalyq rýhqa baǵyttalǵan basymdyqtar pálsapalyq turǵydan da belgili bir maǵynaǵa ıe ekenin aıta ketý kerek. Bul ulttyń jańa oń ózgeristerge daıyn ekenin jáne jekelegen elementterden bas tartýǵa nıetti ekenin bildiredi.
