NATO delegasııasymen kezdesti

Májilis Spıkeri Qabıbolla Jaqypov komıtet tóraǵasy Vıtalıno Kanash bastaǵan NATO Parlamenttik Assambleıasy Qaýipsizdiktiń azamattyq ólshemi jónindegi komıteti delegasııasymen kezdesti, dep habarlady Májilistiń baspasóz qyzmeti. Kezdesý barysynda Má­ji­listiń zańnamalyq qyzmeti, Palatalardyń halyqaralyq yn­tymaqtastyǵy, sondaı-aq, onyń quramy men qurylymy áńgime ózegine aınaldy.  V.Kanash óz sózinde Qazaqstannyń NATO men NATO PA úshin mańyzdy áriptes ekenin atap ótti. – Qazaqstannyń bizdiń ju­my­symyzǵa túrli baǵyttarda, sonyń ishinde Aýǵanstandaǵy jaǵdaıdy turaqtandyrýǵa qosyp jatqan úlesin joǵary baǵalaımyz, – dedi V.Kanash. Májilis Tóraǵasy Aý­ǵan­stanǵa kórsetilgen ekonomıkalyq jáne gýmanıtarlyq kómek týraly, aýǵan jastaryna arnalǵan bilim baǵdarlamalary jaıly baıan­dady. Osy rette, Q.Jaqypov Qazaq­stan Prezıdenti saıasatynda ǵalamdyq qaýipsizdik pen turaq­ty damý jaǵdaılaryna basymdyq beriletinin atap ótti. Bul jerde Ýkraına men Qyrǵyzstanǵa kórsetilip jatqan kómek sóz etildi. Júzdesý kezinde, sondaı-aq, halyqaralyq kún tártibindegi máselelerge, kóppartııaly Par­lament pen QHA qyzmetterine kóńil bólindi.