Jerlesimiz 3000 metr qashyqtyqta kúmis medal jeńip aldy. Bul – Shýmekovanyń Inselldegi tórtinshi júldesi. Ol 4:03.99 ýaqyt kórsetkishin tirkedi.
Sonymen qatar konkımen júgirýshi tarıhı jetistikke qol jetkizdi. Shýmekova kópsaıystyń kishi túrinde (jekeleı qashyqtyqtardyń jıyntyǵy boıynsha) birinshi oryn aldy. Osylaısha, ol el tarıhynda bul belesti baǵyndyrǵan tuńǵysh qazaqstandyq atandy.
Qorytyndy esepte ol 156.001 upaı jınady. Avstrııalyq Djanın Rosner kópsaıysta 157.364 upaımen ekinshi oryn aldy. Al nıderlandtyq Iаsmaın Venheıs 160.928 upaımen úzdik úshtikti túıindedi.
Aıta keteıik, buǵan deıin Krıstına Shýmekova 500, 1000 jáne 1500 metr qashyqtyqtarynda altyn medal jeńip alǵan edi.
