Onyń sózinshe, halyqaralyq baqylaýshylar Qazaqstanǵa referendýmdy daıyndaý jáne ótkizý prosesin baqylaýǵa shaqyrǵany úshin alǵystaryn bildirip jatyr.
«Halyqaralyq baqylaýshylar Qazaqstan tarapyna jańa Konstıtýsııany qabyldaý boıynsha respýblıkalyq referendýmdy daıyndaý jáne ótkizý prosesin baqylaýǵa qatysýǵa shaqyrǵany úshin alǵys bildiredi. Osy baqylaýshylardyń pikirin qoldaı otyryp, biz Qazaqstannyń Ortalyq komıssııasynyń referendýmdy ótkizý boıynsha keń aýqymdy uıymdastyrýshylyq jumysyn erekshe atap ótkim keledi», dedi Hýdoıorzoda.
Qyrǵyzstan OSK tóraǵasy: Qazaqstandaǵy referendým joǵary azamattyq belsendilikpen ótti
Ol baqylaýshylar daýys berýdi daıyndaý barlyq deńgeıde qadaǵalanǵanyn atap ótti.
«Bizdiń baqylaýymyz kórsetkendeı, referendýmdy daıyndaý jáne ótkizý boıynsha barlyq deńgeıdegi komıssııalar, onyń ishinde Qazaqstannyń Ortalyq komıssııasy, azamattardyń respýblıkalyq referendýmǵa qatysýyna tolyq jaǵdaı jasaý úshin aýqymdy jumystardy júrgizdi. Bul jumys josparly jáne bilikti túrde, respýblıkalyq referendým ótkizýdiń negizgi prınsıpterine saı júzege asyryldy», dedi halyqaralyq baqylaýshy.
Mıanma baqylaýshysy: Qazaqstandaǵy referendým tájirıbesi – basqa elderge úlgi
Onyń sózinshe, referendýmdy uıymdastyrý Konstıtýsııa men eldiń zańnamasyna tolyq sáıkes ótkizilgen.
«Qazaqstan Respýblıkasynyń Konstıtýsııasyna jáne respýblıkalyq referendým týraly Konstıtýsııalyq zańyna sáıkes, Qazaqstan Respýblıkasynyń Ortalyq komıssııasy ózine júktelgen ókilettilikti oryndap, azamattardyń erikti túrde daýys berýge qatysýyn jáne daýys berý prosesiniń aıqyn bolýyn qamtamasyz etti», dedi ol.
Sonymen qatar, baqylaýshylar daýys berý kúni birneshe saılaý ýchaskesine bardy.
«Baıtaq» partııasynyń tóraǵasy: Konstıtýsııa elimizdiń damýyna berik quqyqtyq irgetas qalady
«15 naýryzda biz Astana qalasyndaǵy birneshe ýchaskede bolyp, daýys berý prosesin baqyladyq. Ýchaskelik komıssııalardyń referendýmdy ótkizý jumysy referendýmǵa erikti qatysý jáne ashyqtyq prınsıpterine saı boldy», dedi Hýdoıorzoda.
Onyń sózinshe, Qazaqstan azamattary daýys berýge óz quqyqtaryn erkin júzege asyrdy, al referendým halyqtyń erik bildirýiniń kórinisi boldy.
