Foto: Aqorda
Prezıdent 15 naýryz kúni ótken referendýmdy berekeli birlik pen yrysty yntymaǵymyzdyń taǵy bir ónegeli kórinisi jáne nyshany boldy dep baǵalady.
Prezıdent Konstıtýsııany qabyldaýǵa arnalǵan saltanatty jıynǵa qatysty
«Biz halqymyzǵa tán naǵyz otanshyldyq rýhyn sezindik, olardyń rııasyz qoldaýyna kýá boldyq. Memleket taǵdyryna beı-jaı qaramaı, daýys berý naýqanyna atsalysqan barsha azamatqa zor alǵys aıtamyn! Ult múddesin tereń túsinip, Ata zańdy qoldap, daýys berýdi tarıhı mıssııa sanaǵan jurtshylyqqa shynaıy rızashylyǵymdy bildiremin. Bul oraıda, Pavlodar, Aqtóbe, Mańǵystaý, Jambyl, Túrkistan, Shyǵys Qazaqstan, Jetisý, Qyzylorda oblystarynyń jáne basqa da aımaqtardyń Ata zańdy maquldap, daýys bergen turǵyndaryna alǵysymdy aıtqym keledi», dedi Qasym-Jomart Toqaev.
Memleket basshysy referendým kezinde Qazaqstan jastarynyń erekshe belsendi bolǵanyn atap ótti.
Memleket basshysy jańa Konstıtýsııaǵa qol qoıdy
«Olar zańǵar jazýshy Ábish Kekilbaev aıtyp ketken «ulttyq jaýapkershiliktiń» ozyq úlgisin kórsetti. Muny zańdy qubylys dep aıtýǵa tolyq negiz bar. О́ıtkeni jańa Konstıtýsııa, eń aldymen, óskeleń urpaqtyń ıgiligi úshin qabyldanyp otyr. Buǵan deıin de aıttym, qazir de qaıtalaımyn: elimizdiń bolashaǵy – jastarymyzdyń qolynda! Memleket basshysy retinde men sizderge senemin, zor úmit artamyn! Jastarymyzdyń qarym-qabileti aıryqsha, talant-daryny mol, áleýeti zor, kúsh-jigeri myqty! Qazaqstandy álemdegi eń ozyq, damyǵan elderdiń qataryna qosatyn da – sizder! Buǵan esh kúmánim joq! Búgin tórge ozyp, tuǵyryna qonǵan jańa Halyq Konstıtýsııasy sizderge baǵdar beretin temirqazyq bolady. Sebebi, bul – keler urpaqpen birge jasaı beretin qasıetti qujat», dedi Prezıdent.
