Qazaqstan Respýblıkasy Úkimetiniń qaýlysy  №456

2015 jylǵy 18 maýsym,  Astana, Úkimet Úıi «Qazaqstan Respýblıkasy azamatynyń pasportyn, Qazaqstan Respýblıkasy azamatynyń jeke kýáligin, sheteldiktiń Qazaqstan Respýblıkasynda turýyna yqtııarhatty, azamattyǵy joq adamnyń kýáligi men bosqyn kýáligin resimdeý, berý, aýystyrý, tapsyrý, alyp qoıý jáne joıý qaǵıdalaryn bekitý týraly» Qazaqstan Respýblıkasy Úkimetiniń 2013 jylǵy 26 tamyzdaǵy № 852 qaýlysyna ózgerister men tolyqtyrýlar engizý týraly Qazaqstan Respýblıkasynyń Úkimeti qaýly etedi: 1. «Qazaqstan Respýblıkasy azamatynyń pasportyn, Qazaqstan Respýblıkasy azamatynyń jeke kýáligin, sheteldiktiń Qazaqstan Respýblıkasynda turýyna yqtııarhatty, azamattyǵy joq adamnyń kýáligi men bosqyn kýáligin resimdeý, berý, aýystyrý, tapsyrý, alyp qoıý jáne joıý qaǵıdalaryn bekitý týraly» Qazaqstan Respýblıkasy Úkimetiniń 2013 jylǵy 26 tamyzdaǵy № 852 qaýlysyna (Qazaqstan Respýblıkasynyń PÚAJ-y, 2013 j., № 50, 696-qujat) mynadaı ózgerister men tolyqtyrýlar engizilsin: kórsetilgen qaýlymen bekitilgen Qazaqstan Respýblıkasy azamatynyń pasportyn, Qazaqstan Respýblıkasy azamatynyń jeke kýáligin, sheteldiktiń Qazaqstan Respýblıkasynda turýyna yqtııarhatty, azamattyǵy joq adamnyń kýáligi men bosqyn kýáligin resimdeý, berý, aýystyrý, tapsyrý, alyp qoıý jáne joıý qaǵıdalarynda: 4-tarmaq mynadaı redaksııada jazylsyn: «4. Qazaqstan Respýblıkasy azamatynyń pasportyn, Qazaqstan Respýblıkasy azamatynyń jeke kýáligin ýákiletti memlekettik organ qujattandyrylatyn adamnyń turaqty tirkelgen jeri boıynsha, sondaı-aq joǵalýyna, jaramdylyq merziminiń ótýine, neke qııý (buzý) boıynsha tegin ózgertýine, odan ári paıdalanýǵa jaramsyzdyǵyna, qujattardy ázirleýdiń jańa tehnologııasyna sáıkes olardyń túr ózgerisine, Qazaqstan Respýblıkasynyń azamaty jeke kýáligi negizinde Qazaqstan Respýblıkasynyń azamaty pasportyn alǵash ret alýyna baılanysty pasport jáne (nemese) jeke kýálik aýystyrylǵan jaǵdaıda naqty bolatyn jeri boıynsha beredi. Sheteldiktiń Qazaqstan Respýblıkasynda turýyna yqtııarhatty, azamattyǵy joq adamnyń kýáligin ýákiletti memlekettik organ qujattandyrylatyn adamnyń turaqty tirkelgen jeri boıynsha beredi. Qazaqstan Respýblıkasy azamatynyń pasportyn, Qazaqstan Respýblıkasy azamatynyń jeke kýáligin, sheteldiktiń Qazaqstan Respýblıkasynda turýyna yqtııarhatty, azamattyǵy joq adamnyń kýáligin ýákiletti memlekettik organ jeke basty kýálandyratyn qujattardy (Qazaqstan Respýblıkasynyń sheteldik mekemelerinde resimdelgen Qazaqstan Respýblıkasy azamatynyń pasporttaryn qospaǵanda) alýǵa arnalǵan ótinim berilgen kúnnen bastap kúntizbelik otyz kúnnen keshiktirilmeıtin merzimde beredi jáne ıesine nemese onyń zańdy ókiline jeke tabys etedi.»; 6-tarmaqtyń 2) tarmaqshasy mynadaı redaksııada jazylsyn: «2) kólemi 3,5 h 4,5 santımetr (qaǵaz blankidegi formýlıardy resimdegen kezde) eki fotosýretti;»; 13-tarmaqtyń 2) tarmaqshasy mynadaı redaksııada jazylsyn: «2) kólemi 3,5 h 4,5 santımetr (qaǵaz blankidegi formýlıardy resimdegen kezde) eki fotosýretti;»; 18-tarmaqtyń 1) tarmaqshasy jáne 21-tarmaqtyń 1) tarmaqshasy alyp tastalsyn; 30-tarmaq mynadaı redaksııada jazylsyn: «30. Qazaqstan Respýblıkasynyń azamattary jeke basty kýálandyratyn qujattardy joǵaltqan, olar odan ári paıdalanýǵa jaramsyz bolǵan, jeke tulǵany sáıkestendirýmen baılanysty ózgerister engizý qajettiligi týyndaǵan, osy Qaǵıdalardyń 29-tarmaǵynyń 1), 2), 3), 4), 5), 6) tarmaqshalarynda kórsetilgen derekterdi sáıkestendirý múmkin bolmaǵan jaǵdaılarda, sondaı-aq anyqtamalyq derekteriniń aýysýyna, ózgerýine, qujattardy ázirleýdiń jańa tehnologııasyna sáıkes olardyń túr ózgerisine baılanysty, jańa qujattar alý úshin turaqty tirkelgen jeri boıynsha, sondaı-aq jeke basty kýálandyratyn qujattary joǵalǵan, olar odan ári paıdalanýǵa jaramsyz bolǵan, neke qııý (buzýy) boıynsha tegin ózgertken, qujattardy ázirleýdiń jańa tehnologııasyna sáıkes olardyń túr ózgerisine baılanysty jaǵdaılarda naqty bolatyn jeri boıynsha ýákiletti memlekettik organǵa ótinish bildiredi. Qazaqstan Respýblıkasynda turaqty turatyn sheteldikter men azamattyǵy joq adamdar jeke basty kýálandyratyn qujattardy joǵaltqan, olar odan ári paıdalanýǵa jaramsyz bolǵan, jeke tulǵany sáıkestendirýmen baılanysty ózgerister engizý qajettiligi týyndaǵan, osy Qaǵıdalardyń 29-tarmagynyń 1), 2), 3), 4) 5), 6) tarmaqshalarynda kórsetilgen derekterdi sáıkestendirý múmkin bolmaǵan jaǵdaılarda, sondaı-aq anyqtamalyq derekterin aýystyrýyna, ózgertýine baılanysty jańa qujattar alý úshin turaqty tirkelgen jeri boıynsha ýákiletti memlekettik organǵa ótinish bildiredi. Búlinýine, jeke basty sáıkestendirýdiń múmkin bolmaýyna baılanysty odan ári paıdalanýǵa jaramsyz qujattardy qospaǵanda, jańa pasporttar men jeke kýálikter alǵanǵa deıin burynǵy qujattar alynbaıdy.»; 31-tarmaqta: birinshi bóliktiń birinshi abzasy mynadaı redaksııada jazylsyn: «31. Qoldanylý merziminiń ótýine, odan ári paıdalanýǵa jaramsyz bolýyna, qujattardy ázirleýdiń jańa tehnologııasyna sáıkes olardyń túr ózgerisine baılanysty Qazaqstan Respýblıkasy azamatynyń pasportyn, Qazaqstan Respýblıkasy azamatynyń jeke kýáligin aýystyrý úshin ótinish ıesi mynadaı qujattardy:»; 2) tarmaqsha mynadaı redaksııada jazylsyn: «2) kólemi 3,5 h 4,5 santımetr (qaǵaz blankidegi formýlıardy resimdegen kezde) eki fotosýretti;»; mynadaı mazmundaǵy úshinshi bólikpen tolyqtyrylsyn: «Ýákiletti organǵa tapsyrýǵa jatatyn pasportta shet memlekettiń qoldanystaǵy vızasy bolǵan kezde azamattyń ótinishi boıynsha pasport alynbaıdy. Búl rette jaramsyz pasport óteýge (pasporttyń bir jaq shetin teskishpen tesý arqyly) jatady jáne ıesine qajettiligi ótkenge deıin qaıtarylady.»; 33-tarmaq mynadaı redaksııada jazylsyn: «33. Qazaqstan Respýblıkasy azamatynyń pasportyna, Qazaqstan Respýblıkasy azamatynyń jeke kýáligine, sheteldiktiń Qazaqstan Respýblıkasynda turýyna yqtııarhatqa, azamattyǵy joq adamnyń kýáligine jeke tulǵany sáıkestendirýmen baılanysty, osy Qaǵıdalardyń 29-tarmaǵynyń 1), 2), 3), 4) 5), 6) tarmaqshalarynda kórsetilgen derekterdi sáıkestendirý múmkin bolmaǵan jaǵdaıda, sondaı-aq anyqtamalyq derekterin aýystyrýyna, ózgertýine baılanysty ózgerister engizý úshin ótinish ıesi: 1) erkin nysandaǵy jazbasha ótinishti (neke qııý (buzý) boıynsha tegin ózgertýge baılanys­ty júgingenderden basqa); 2) memlekettik baj tólengeni týraly qujatty (memlekettik baj tóleýden bosatylǵan adamdar rastaıtyn qujattaryn usynady); 3) kólemi 3,5 h 4,5 santımetr (qaǵaz blankidegi formýlıardy resimdegen kezde) eki fotosýretti; 4) aýystyrýǵa jatatyn Qazaqstan Respýblıkasy azamatynyń jeke kýáligin; 5) Qazaqstan Respýblıkasy azamatynyń pasportyn (bar bolsa); 6) sheteldiktiń Qazaqstan Respýblıkasynda turýyna yqtııarhatty (sheteldikter úshin); 7) jaramdy ulttyq pasportty (sheteldikter úshin); 8) azamattyǵy joq adamnyń kýáligin (azamattyǵy joq adamdar úshin); 9) ótinish bildirýdiń negizdiligin rastaıtyn qujatty usynady. «Ulty qazaq azamattardyń tegi men ákesiniń atyn jazýǵa baılanysty máselelerdi sheshý tártibi týraly» Qazaqstan Respýblıkasy Prezıdentiniń 1996 jylǵy 2 sáýirdegi № 2923 Jarlyǵyna sáıkes ulty qazaq adamdar tegi men ákesiniń atynyń jazylýyn ózgertý týraly ótinishhatpen ýákiletti memlekettik organǵa júgingen kezde qalaǵan tegin, ákesiniń atyn memlekettik nemese orys tilinde kórsete otyryp, erkin nysanda ótinish beredi. Tekterde tegi men ákesiniń atynyń túbir negizderin saqtaı otyryp, qazaq tiline tán emes affıkster alynyp tastalady, onymen bir mezgilde ákesiniń atyn jazý kezinde qazaq tiline tán emes affıksterdiń ornyna ákesiniń esimine adamnyń jynysyna qaraı «uly» nemese «qyzy» degen jalǵaý jalǵanady. О́tinishke myna qujattardyń biri qosymsha beriledi: 1) týý týraly kýálik (jeke basty kýálandyratyn qujattardy alǵash ret alǵan kezde); 2) aýystyrýǵa jatatyn jeke kýálik, pasport; 3) Qazaqstan Respýblıkasy Ishki ister mınıstrligi belgilegen nysandaǵy Qazaqstan Respýblıkasynyń azamattyǵyna qabyldanǵany týraly anyqtamany (Qazaqstan Respýblıkasynyń azamattyǵyna qabyldanýyna baılanysty jeke kýálik alǵan kezde). Tekteri men ákesiniń atynyń jazylýy qazaq halqynyń qalyptasqan dástúrlerine sáıkes ózgertilgen ulty qazaq adamdar ótinish bildirgen jaǵdaıda, pasporttar men jeke kýálikterdi olardyń burynǵy tekteri men ákeleriniń attaryn usynylǵan týý týraly kýálikterge sáıkes burynǵydaı jaza otyryp resimdeýge bolady.»; 37-tarmaq mynadaı mazmundaǵy ekinshi bólikpen tolyqtyrylsyn: «Jeke kýálik turǵylyqty jerden basqa jerde joǵalǵan kezde Qazaqstan Respýblıkasynyń azamaty ótinish bergende ýákiletti memlekettik organ ýaqytsha jeke kýálikti naqty bolatyn jeri boıynsha turǵylyqty jerine qaıta oralý úshin beredi.». 2. Osy qaýly alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Qazaqstan Respýblıkasynyń Premer-Mınıstri K.MÁSIMOV.