Is-sharanyń saltanatty ashylýyn Almaty qalasy Qazaqstan halqy Assambleıasynyń Aqsaqaldar keńesiniń tóraǵasy, aqparattyq-túsindirý tobynyń jetekshisi B. M. Ospanov júrgizdi. Ol óz sózinde ulttyq qundylyqtardy saqtaý, qoǵamdaǵy tatýlyq pen kelisimdi nyǵaıtý – el damýynyń basty negizi ekenin atap ótti.
Jıynda Qazaqstan halqy Assambleıasynyń múshesi, Almaty qalasy toǵyzqumalaq federasııasynyń prezıdenti R. K. Qalıollaev jáne «Aýǵan ortalyǵy «Arıana» qoǵamdyq birlestigi tóraǵasynyń orynbasary D. Mohammad quttyqtaý sóz sóılep, halyqtar arasyndaǵy birlik pen ózara qurmettiń mańyzyn erekshe jetkizdi.
Aqtútek boran kezinde adamdardy qutqarǵan muǵalim tósbelgimen marapattaldy
Is-sharaǵa Almaly aýdany ákiminiń orynbasary men Májilis depýtaty da qatysyp, medısına salasynyń qyzmetkerlerine júrekjardy lebizderin bildirdi. Olar adam ómiri men densaýlyǵyn saqtaýdaǵy dárigerlerdiń eńbegi erekshe qurmetke laıyq ekenin atap ótti.
Kezdesý barysynda dárigerler men medısına qyzmetkerlerine alǵys hattar tabystaldy. Bul – olardyń kásibıligi men janqııarlyq eńbegine kórsetilgen shynaıy qurmettiń belgisi.
Naýryz – jańarý men izgiliktiń, birlik pen meıirimniń merekesi. Osyndaı taǵylymdy is-sharalar qoǵamdaǵy ózara túsinistik pen syılastyqty arttyra túsetini sózsiz.
