Bilimdi urpaq – jarqyn bolashaq kepili

«Elimizdiń basty kapıtaly – bilimdi jastar» degen bolatyn Elbasy. Bilim men ǵylymnyń arqasynda adamzat balasy órkendep-ósip, alǵa qaraı jyljyp keledi. Sol bo­ıynsha órkenıet damyp, ýaqyt óte zamanǵa saı jańashyldyq boı kóterýde. Bul rette eldi damytý barysynda Prezıdent N.Nazarbaevtyń ustanǵan sara saıasaty zor serpin beretini taǵy bar. Aıtar bolsaq, jaqynda ǵana 5 ınstıtýttyq refor­many júzege asyrýǵa baǵyt­tal­ǵan «100 naqty qadamdy» aıqyndap bergen Memleket basshysynyń tapsyrmasy boıynsha endigi ­kezekte belsene iske kirisý qajet.

Osylaı, dástúrli otyrys­tyń kelesi kezegi bilim oshaq­ta­ryndaǵy qolǵa alynyp otyrǵan túrli sharalar men min­detter jóninde talqylaýǵa keldi. BAQ ókilderimen L.N. Gýmı­lev atyndaǵy EUÝ ǵylymı-tekseris jumysy boıynsha rek­torynyń orynbasary Abzal Taltenov pen Q.A.Iаsaýı atyn­daǵy Halyqaralyq qazaq-túrik ýnıversıtetiniń prezıdenti Ýálıhan Ábdibekov Prezıdent janyndaǵy Ortalyq kommýnıkasııalar qyzmetinde baspasóz máslıhatyn ótkizdi. Onda kadr­lardy daıarlaý máselesi keńinen talqylanyp, birqatar aqparattar tanystyryldy. Elbasynyń tapsyrmasyna oraı, búgingi tańda joǵary oqý oryndarynda birqatar baǵdarlamalar jańartylyp, olar ózgerdi, deıdi bul rette Ý.Ábdibekov. Sonymen qatar, ol Qoja Ahmet Iаsaýı atyn­daǵy Halyqaralyq qazaq-túrik ýnıversıteti joǵary bilim berý salasynda Memleket bas­shysynyń reformalaryn iske asyrýǵa belsendi qatysa­tyn­dyǵyn jetkizdi. Osy oraıda 78-qadamda belgilengen «Nazar­baev Ýnıversıtetiniń tájirı­besi negizinde joǵary oqý oryn­darynyń akademııalyq jáne basqarýshylyq derbestigin deńgeı boıynsha keńeıtý. Jeke JOO halyqaralyq is-tájirıbege sáıkes kommersııalyq emes uıymdarǵa aýystyrý» boıynsha HQTÝ-de 10 músheden turatyn Úkimetaralyq ókiletti keńes qurylǵandyǵyn habarlady. Onyń aıtýy boıynsha, akademııalyq derbestigin keńeıtý barysynda ústimizdegi jyly sáýir aıynda fakýltetterdiń barlyq dekandary Túrkııanyń jetekshi JOO-seriktesterimen yntymaqtastyq kelisim­shar­tyna otyrý úshin shetelge qyzmettik issaparǵa jiberilgen. Jáne olar Anglııanyń jetekshi JOO-da eki aptalyq biliktiligin kóterý kýr­­synan ótken. Sondaı-aq, 79-qadam­daǵy bilim berý júıesinde – joǵary synyptar men JOO-larda aǵylshyn tilinde oqytýǵa kezeń-kezeńmen kóshý máselesine oraı, atalǵan ýnıversıtet jyl saıyn UBT, KT qorytyndysy boıynsha joǵary ball jınaǵan, alaıda Foundation daıyndyq kýrstaryn oqý úshin memleketten grant almaǵan 500 abıtýrıentti qabyldaıtyndyǵyn atap ótti. Kelesi kezekte sóz alǵan Abzal Taltenovtiń aıtýynsha, L.N.Gý­mılev atyndaǵy EUÝ eki maman­dyq boıynsha kadrlar daıarlaıdy. Onyń biri «Qurylys mate­rıaldaryn, ónimderin jáne quryl­ǵylaryn shyǵarý» bo­ıynsha bolsa, ekinshisi «Ǵa­rysh­tyq teh­nıka jáne tehnolo­gııa» maman­dyǵy eken. Sondaı-aq, ol magıs­tratýranyń birin­shi maman­dyǵyndaǵy oqý baǵdar­lamasy boıynsha ýnıversıtet pen ekonomı­kanyń shynaıy sektorlary óndiris jáne kásiporyndar arasynda tyǵyz qarym-qatynas ornatylǵandyǵyn tilge tıek etti. Sheteldik JOO-seriktes retinde magıstratýranyń ekinshi baǵdarlamasymen Berlın teh­nı­kalyq ýnıversıteti (Ger­­manııa) anyqtalǵan bolsa, al baǵdarlamany iske asyrýda negizgi kásipker-seriktes «Qazaq­­­­stan Ǵarysh sapary» UK» AQ, «Sa­ryshaǵan» shaǵyn rake­taly-ǵarysh­tyq polıgony, «Baıqońyr» ǵarysh alańy jáne «Petropavl aýyr mashına óńdeý zaýyty» AQ bolyp taby­latyndyǵy ata­lyp ótildi. Bul rette eskerer jáıt, tú­lekterdi ári qaraı ju­mys­qa orna­lastyrýǵa osy kásip­oryndarmen kelisim­shart jasalǵan.

Elmıra MÁTIBAEVA, «Egemen Qazaqstan».