Sýret: primeminister.kz
Forým aıasynda kólik-logıstıkalyq baılanystardy keńeıtý, ınvestısııalyq yntymaqtastyqty kúsheıtý men birlesken ónerkásiptik jobalardy damytý máseleleri talqylandy. Sondaı-aq Qytaıdyń Haınan provınsııasymen óńiraralyq áriptestikti tereńdetý joldary qarastyryldy. Aýqymdy jıynǵa Sıngapýr Premer-mınıstri Loýrens Vong, Ázerbaıjan Mıllı Májilisiniń tóraǵasy Sagıba Gafarova, Shrı-Lanka Parlamentiniń spıkeri Djagat Vıkramaratne men álemniń 60-tan astam elinen kelgen joǵary deńgeıdegi ókilder qatysty.
Mańyzdy is-shara aıasynda Roman Sklıar Búkilqytaılyq halyq ókilderi jınalysy Turaqty komıtetiniń tóraǵasy Chjao Leszımen arnaıy kezdesip, pikir almasty. Chjao Leszı qytaı tarapy elimizben máńgilik jan-jaqty strategııalyq áriptestiktiń joǵary senimge negizdelgen qatynastaryna aıryqsha mán beretinine toqtaldy. Buǵan qosa, elimizde júrgizilip jatqan reformalar men Memleket basshysy Qasym-Jomart Toqaevtyń eldiń odan ári órkendeýine baǵyttalǵan bastamalaryna qoldaý bildirdi.
Forýmdy Boao Azııa forýmynyń dırektorlar keńesiniń tóraǵasy Pan Gı Mýn ashyp, jahandyq geosaıası shıelenis, qarýly qaqtyǵystardyń kóbeıýi men ornyqty damýǵa tóngen qaýipter jaǵdaıynda halyqaralyq qoǵamdastyq kúsh-jigerin biriktirýdiń mańyzy týraly aıtty. О́zara senimdi nyǵaıtý, óńirlik ıntegrasııany tereńdetý men álemdik ekonomıkanyń ashyqtyǵyn saqtaý máselelerine basymdyq berildi.
«Joǵary deńgeıdegi dıalog: jahandyq belgisizdik jaǵdaıyna aıqyndyq engizý» sessııasynda sóz sóılegen Roman Sklıar elimiz ashyq ekonomıka qaǵıdatyna berik ekenin jetkizdi. Ol halyqaralyq yntymaqtastyqty kúsheıtý, kólik-logıstıkalyq dálizderdi damytý men Azııa men Eýropa arasyndaǵy senimdi tranzıttik hab retindegi eldiń rólin arttyrý máselelerine toqtaldy. Buǵan qosa jahandyq ekonomıkalyq syn-qaterlerge birlesip jaýap izdeý qajettigine nazar aýdardy.
Jumys sapary barysynda Roman Sklıar Haınan provınsııasy halyq úkimetiniń tóraǵasy Lıý Sıaomınmen kezdesti. Kezdesýde saýda-ekonomıkalyq jáne ınvestısııalyq baılanystardy keńeıtý, týrızm men mádenı-gýmanıtarlyq yntymaqtastyqty damytý, tikeleı áýe qatynasyn jolǵa qoıý men óńiraralyq yqpaldastyqty arttyrý máseleleri talqylandy. Roman Sklıar elimiz ındýstrııalyq aımaqtar men kólik-logıstıkalyq ınfraqurylymdy damytý baǵytyndaǵy birlesken jobalardy júzege asyrýǵa qolaıly jaǵdaı jasap otyrǵanyn aıtty.
О́z kezeginde Lıý Sıaomın Haınan provınsııasy Qazaqstanmen ózara is-qımyldy keńeıtýge múddeli ekenin jetkizip, óńirler arasyndaǵy baılanysty nyǵaıtýǵa daıyn ekenin bildirdi.
Sapar aıasynda Roman Sklıar jetekshi qytaı kompanııalarynyń basshylarymen kezdesip, munaı-gaz, munaı-hımııa men kómir hımııasy, metallýrgııa, mashına jasaý salalaryndaǵy ınvestısııalyq yntymaqtastyqtyń keleshegin talqylady. Taraptar júzege asyrylyp jatqan jobalardyń jaı-kúıin qarastyryp, óndiristik kooperasııany keńeıtý múmkindikterin saralady.
Roman Sklıar jańa Konstıtýsııalyq ózgerister ınvestısııalyq áriptestikti jandandyrýǵa ári birlesken iri jobalardy iske asyrýǵa qosymsha múmkindik beretinin atap ótti. Ol Úkimet birlesken bastamalardy qoldaýǵa ári olardyń tıimdi júzege asýyna qajetti jaǵdaı jasaýǵa daıyn ekenin jetkizdi.
Kezdesý qorytyndysynda qytaılyq kompanııalar óndiristik ári tehnologııalyq kooperasııany keńeıtýge, sondaı-aq Qazaqstan aýmaǵynda ónim óndirýdi jergiliktendirý deńgeıin arttyrýǵa nıetti ekenin rastady.
