Bul jaýynger arý súıegin Ońtústik Qazaqstandaǵy arheologııalyq ekspedısııa músheleri tapty
Ońtústik Qazaqstan oblysynan alǵash ret jaýynger-áıeldiń súıegin tapty. Olardyń aıtýlarynsha, múrde qarýǵa toly. Osyǵan qarap tabylǵan áıeldiń jaýynger bolǵany paıymdalyp otyr. Sondaı-aq, qazba mamandary súıektiń bizdiń dáýirimizge deıingi II-IV ǵasyrlarǵa tıesili – dep boljam jasady. Arheologtar: «Bul – az zerttelgen Qańly memleketiniń ókili. Qazaqstan tarıhy týraly birde-bir oqýlyqta onda jaýynger áıel boldy degen derek joq», – dedi. Qazirgi tańda olar múrdeniń ár santımetrin anyqtap ólshep, elep-eksheýde. Bir sózben aıtqanda, jaýynger-áıel tolyq zerttelýde. Ázirge mamandar súıektiń jas shamasyn 2 300 jylǵa teńep otyr. Tabylǵan áıeldiń oń qolynda temir jebeniń eki túri, m-úlgisindegi sadaq elementi, qanjar jáne kishkene pyshaq, al sol jaǵynda úlken qylysh, súıekterden jasalǵan kóptegen buıymdar bar. Keıbir zattardy mamandar áli de anyqtaý ústinde. Arheologtar áıel súıegin Qazaqstannyń ortalyq memlekettik murajaıyna aparmaq. Oǵan jáne basqa da jádigerlerge arnaıy saraptama jasalady. Aıta keteıik, osy Kúltóbe qalashyǵynda eki myń jyl buryn úlken qala bolǵan. Arnaıy ekspedısııa 23 jyldan beri bul jerden ótken dáýirdiń jádigerlerin taýyp keledi. Qazir mamandar taǵy bir qorǵandy qazyp jatyr. Ǵalymdar bul jerde áli talaı qyzyqty dúnıeler tabatynyna senimdi.
Talǵat RAIYMBEK.
