Eńbekten tapqan baqytyn

Tynymsyz eńbektiń arqasynda abyroıǵa kenelgen jan kóp. Solardyń biri – S.Seıfýllın atyndaǵy Qazaq agrotehnıkalyq ýnıversıtetiniń professory, ekonomıka ǵylymdarynyń doktory Qarlyǵash Álenova. Qaırat pen qajyrlylyqty ómirine arqaý etken Qarlyǵash Tóleýbaıqyzy bar ǵumyryn urpaq tárbıeleý isine arnap, bir uıymda tapjylmaı qyryq jyl abyroıly qyzmet etip keledi. Aldymen kafedra meńgerý­shisi, keıin aǵa ǵylymı qyzmet­ker atanyp, odan soń doktorlyq dıssertasııasyn qorǵaǵan Q.Áleno­vanyń ulaǵatty ustaz retinde jazǵan ǵylymı eńbekteriniń qundylyǵy men qajettiligi óz aldyna. Stýdentterdiń birneshe býynyn tárbıelep ushyrǵan ol áli kúnge deıin magıstranttar men doktoranttardy da bilim nárimen sýsyndatyp keledi. О́mirlik serigimen de osy ýnı­ver­sıtette tanysady. Kókshe óńirinde dúnıege kelip, oqý, eńbek jolyn Aqmola jerinde ótkizgen jubaıy Qalymbek Zeınýllın úlken adamger­shi­lik ıesi, kisiligi men kishiligi mol, talapty, aldyna qoıǵan maqsatyna tabandylyqpen jete bilgen azamat edi. Qalymbek Shegirulynyń alańdamaı ǵy­lym­men aınalysýyna, fakýltet dekany laýazymyna deıin joǵarylap, abyroıly qyzmet atqarýyna jubaıynyń qosqan úlesi qomaqty edi. Júreginde izgilik, júzinde meıi­rim shýaǵy uıalaǵan jan­­- dar­­dyń otbasyn ǵalymdar ot­­basy dep ataý­ǵa ábden bolady. Jol­da­synan erte aıyrylsa da, jaqqan otyn óshirmeı, shańyraǵyn shaıqaltpaı, balalaryn bilimdi azamattar etip tárbıeleýmen birge, Qarlyǵash Tóleýbaıqyzy olardyń da ǵy­lym jolynda joǵary jetis­tikterge jetýine barynsha yq­pal etti. Búginde qyzy Rımma  Dondaǵy Rostov qalasynda Sýslov atyndaǵy Memlekettik ýnıversıtettiń fılosofııa-ekonomıka fakýltetin úzdik bitirip, Máskeý qalasynda Lomonosov atyndaǵy memle­ket­tik ýnıversıtette aspırantýrany támamdap, kandıdat­tyq, keıin doktorlyq dısser­tasııa­syn qorǵasa, onyń jubaıy, ıaǵnı kúıeý balasy Ǵanı Sa­ǵıev Máskeýdiń taý-ken ınstıtýtynyń aspıran­týrasyn bitirgen, tehnıka ǵy­lymdarynyń kandıdaty. Olar­dyń qyzy Azııa men kúıeý balasy Murat ta joǵary bilimdi mamandar, ǵylymı dárejeleri bar. Uly Ǵalym Anglııada oqysa, kishi qyzy Sofıa – oqý ozaty. Úlken uly Rýslan – zań magıstri, keden podpolkovnıgi. Onyń úlken qyzy Janna L.N.Gýmı­lev atyndaǵy Eýrazııa ulttyq ýnıversıtetiniń saıasat­- taný fakýltetin, keıin magıs­tratýrany bitirgen. Qazir S.Seı­fýllın atyndaǵy Qazaq agrotehnıkalyq ýnıver­sıte­tinde fılosofııa kafedrasynda assıstent bolyp qyz­met atqarady. Ájesiniń árip­tesi, kishi uly Rústem bolsa, áke jolyn qýǵan ınjener-mehanık, onyń qyzy Malıka Qytaıdyń Pekın qalasynda oqıdy. Osy­laısha, artynda sanaly urpaq pen ádemi ómirdiń izin qaldyrǵan áke esimin búginde urpaqtary jalǵastyrýda. О́mirlik ólshemderdi meıi­rimdilik pen tazalyqtan izdeı­tin Qarlyǵash Tóleýbaıqyzy jan-jaqtylyǵyn jurtshylyq aýzynyń sýy quryp aıtady. Ol án salǵanda tamsanbaıtyndar kemde-kem. Ásirese, onyń daýy­syn jary erekshe unatatyn. Ádil, jasandylyqtan ada mine­zimen, dúnıetanymynyń keń­di­gimen Q.Álenova bul tirlikte biraz belesterdi baǵyndyrdy. Eńbegi de eleýsiz-eskerýsiz qal­­mady. Jarynan erte kóz jazyp qalsa da, balalaryn jetek­teı júrip, ǵylymnan qol úzbedi. Nátıjesinde, Bilim jáne ǵylym mınıstrliginiń «Joǵary oqý ornynyń úzdik oqytýshysy» ataǵy men memle­kettik grantyna ıe bolyp, Pekın, Shanhaı, London, Nıý-Iork, Hıýston qalalaryna baryp, halyqaralyq «Tem­pýs» baǵdarlamasy aıasynda Germanııa, Gollandııa, Belgııa elderinde bolyp, joǵary oqý oryndarynda tájirıbe al­masty. Rasynda da, adam maqsatyna ózin-ózi jetildirý arqyly jetedi eken. Udaıy izdenis pen adal eńbektiń nátı­jesinde ol óz maqsatyna qol jetkizdi. Osylaısha, tutastaı bolmys-bitimimen, qarym-qabiletimen artyna ónegeli iz tastap keledi. Endeshe, barǵa tasymaı, joqqa jasymaı, arzan ataq qýyp alqynyp, dúnıe qýyp shalqymaǵan Qarlyǵash Tóleýbaıqyzynyń ómiri ár­daıym kópke úlgi. Gúlbarshyn О́KEShQYZY, jýrnalıst.