Sýret: af-neworleans.org
Fransýz tili men fransýztildi mádenıetteriniń alýan qyryna arnalǵan mádenı is-sharany eldegi toǵyz elshilik – Belgııa Koroldigi, Kanada, Fransııa, Lıýksembýrg, Lıtva, Marokko Koroldigi, Rýmynııa, Armenııa, Shveısarııa elshilikteri birlesip uıymdastyrady.
On bes kúnge sozylǵan baǵdarlamaǵa sáıkes kıno kórsetilimderi, konsertter, konferensııalar, ádebı kezdesýler, kórmeler, fransýz tili boıynsha baıqaýlar syndy túrli is-sharalar ótedi.
«Frankofonııa kóktemi festıvalin ótkizý arqyly biz sizderge fransýz tiliniń baılyǵyn kórsetkimiz keledi. Sondyqtan bul is-sharanyń mańyzy zor. Men О́skemenge baryp, fransýz kınosy festıvalin ashamyn. Sondaı-aq kórermen Armenııa, Kanada, Marokko jáne basqa elderden kelgen fılmdermen tanysa alady», dedi Fransııanyń Qazaqstandaǵy Tótenshe jáne ókiletti elshisi Sılvan Gıoge.
Festıval shymyldyǵyn pıanıst Krıstın Fonlıýpttyń Almatydaǵy (30 naýryz) konserti ashty. Al 2 sáýirde Qaraǵandy sahnasynda josparlanǵan. Sondaı-aq fransýz oryndaýshysy Voyou elimizge gastroldik saparmen keledi. Onyń konsertteri Almatyda (10 sáýir), Shymkentte (11 sáýir), Astanada (12 sáýir) ótedi. Al lıtvalyq pıanıst Mýza Rýbaskıte 15 sáýirde Astanadaǵy Q.Qýanyshbaev atyndaǵy teatr sahnasynda jeke konsertin beredi.
