Mereıdi О́skemennen shyǵatyn «Meniń ólkem» gazetinde qyzmet etip júrgen kezinen bilemin. Gazetke maqalalaryn, áleýmettik jelige jazýshy Oralhan Bókeıdiń portretin, Altaıdyń áıgili Muztaýy beınelengen peızajdaryn jarııalap júrgenin kórip, ári jýrnalıst, ári sýretshi inime qyzyǵa qaraıtynmyn. Katonqaraǵaı aýdanynyń Shyńǵystaı aýylynda dúnıege kelgen ol Oralhan Bókeıdiń aýyldasy ekenin maqtan tutady. Bala kúninde áıgili jazýshynyń aýyl kóshesin qaq jaryp bara jatqan asqaq, kerbuǵy keıpin kórgenin jyr qylyp aıtady. Oqýshy kezinde keshe ǵana ómirden ótken jazýshy Dıdahmet Áshimhanulymen sonaý Altaıdan hat jazysyp turypty.
Mereı Qaınarov Shákárim atyndaǵy Semeı memlekettik ýnıversıtetiniń beıneleý óneri jáne dızaın fakýltetin támamdaǵan soń Glýbokoe aýdanynyń «Aqbulaq» gazetinde eńbek jolyn bastady. Aýdandyq basylymnan bastap satylap ósip kele jatqan jas jigit búginde Shyǵys Qazaqstan oblystyq «Dıdar» gazetiniń beldi tilshisi. О́ńirdiń bas gazetine kelgenine jyldan assa da, tushymdy jarııalanymdarymen shyǵarmashylyq ortaǵa birden sińip ketti. Eń qyzyǵy, jazbalarymen shektelmeı, oblystyq gazette eńbek etetin áriptesteriniń sharjdaryn aınytpaı salyp, qalamdas dostaryna tosynsyı jasaı bastady. Áleýmettik jelige jarııalanǵan
sharjdarynan áriptesteriniń árqaısysynyń minez-qulqy, bolmysy anyq baıqalady. Ázil sharjdardy redaksııadaǵy aqyn, aıtysker dosy Murathan Kenjehanuly qýaqy óleń joldarymen ásemdep qoıady. Mereıdiń ár sharjy shyqqan saıyn, oblystyń ár qıyryn sharlap, tynym tappaı júretin gazet tilshileriniń ómirine jańa lep soqqandaı, bir jadyrap qalady.
Mereı áriptesimizdiń elimizge belgili qalamgerler men jýrnalıster qaýymyna arnaǵan shamǵa tımes sharjdarymen baspasóz kúni qarsańynda bólisýdi jón kórdik.
Dýman ANASh,
«Egemen Qazaqstan»
О́SKEMEN.
Sharjda: Memlekettik syılyqtyń laýreaty,
jazýshy Álibek Asqarov; «Egemen Qazaqstan» RG» AQ prezıdenti Saýytbek Abdrahmanov; belgili telejýrnalıst Nurtileý Imanǵalıuly.
