Bas qalada masa bolmaıdy

Endi eki jyldan keıin elordada múldem masa qalmaıtyn boldy. Bul jóninde Astana qalalyq tutynýshylardyń quqyǵyn qorǵaý departamenti bastyǵynyń orynbasary Fedor Peev málimdedi. Munyń sebebin ol elimizde ótetin EKSPO-2017 kórmesimen túsindirdi. Departamenttiń úılestirý komıssııasynyń otyrysynda F.Peev: «Kórme ótetin ýaqytqa deıin Astanada birde-bir masa qalmaýy kerek. Osy maqsatta bıyldan bastap masa jáne kemirgishtermen kúres máselesin kúsheıtemiz. Bul jumys negizinen turǵyn úı kommýnaldyq qyzmetine júkteledi. Alaıda, kórmeni ótkizý ortaq is bolǵandyqtan, oǵan barlyǵymyz atsalysamyz. Iаǵnı, biz atalǵan qyzmetke kómektesip, keńes beremiz. Búginde osy jumystarǵa qajetti qarajatty eseptep, smetasyn toltyrdyq», – dedi. Sondaı-aq, departament basshysynyń orynbasary bul máseleniń ózekti ekenin aıtty. «Astananyń masasy óte mańyzdy másele. Kórme kezinde shetelden kelgen buqaralyq aqparat quraldary bul týraly jazyp, habar taratsa, bedelimizge nuqsan keledi», – dep barsha astanalyqty elimizdiń abyroıy úshin kúsh biriktirýge shaqyrdy. Aıta keteıik, Astanadaǵy kórme 2017 jyldyń 10 maý­symy men 10 qyrkúıegi aralyǵynda ótedi. Oǵan birneshe memleket, halyqaralyq uıym, ınnovasııalyq tehnologııalar boıynsha kóshbasshy kompanııalar qatysady dep josparlanýda. Sondaı-aq, ony 2 mln.-nan 5 mln.-ǵa deıin adam kelip tamashalaıdy. Elaman QOŃYR, «Egemen Qazaqstan».