Eýropa jurtynyń tazalyǵy qandaı deńgeıde?

ASTANA. 27 naýryz. Danııanyń astanasy – Kopengagen qalasyndaǵy aýrýhanada osy taqyrypta júrgizilgen sońǵy zertteý jumystary tań qalarlyqtaı nátıje ákeldi. Bul týraly «Pravda.Ru» habarlady. Zertteý dattardyń kópshiliginiń qarapaıym ǵana tazalyq erejesin saqtaı bermeıtinin kórsetti. Atap aıtqanda, olardyń 60 paıyzy kúnine eki ret tis shaıyp turýdy umytyp ketetin bolsa, 70 paıyzy ájethanaǵa kirip shyqqannan keıin qoldaryn jýa qoımaıdy. Aýrýhana pasıentteriniń tek 30 paıyzy ǵana qoldaryn shaıyp alady eken. Sumdyqtyń kókesi sol, aýrýhananyń medısınalyq personalynyń ózi mundaı «joryqtan» keıin qoldaryn sabynmen jýa bermeıtin bolyp shyqty. Olardyń 65,5 paıyzy ǵana gıgıena talaptaryn oryndaýǵa tyrysady. «Men mundaı derekterden qatty titirkenip turmyn», - dep málimdedi atalmysh zertteýden keıin medısınalyq mekemeniń dırektory Torben Mogensen. Danııa medısına assosıasııasynyń tóraǵasy da mynadaı málimetterden esten tanyp qala jazdaǵanyn aıtty. «Árbir dáriger, árbir aıajan jáne basqa qyzmetker jaqsy gıgıenanyń mańyzyn túsinedi. Al myna jaǵdaı múldem durys emes. Men medısınalyq personaldyń 100 paıyzy qoldaryn jýatynyn kútken edim, bul durys bolmady», - dedi Mads Koh. Murat Aıtqoja. Mánbe, sýret; Pravda.Rý.