Shattyq shýaǵyndaǵy shahar

Táýelsiz elimizdiń aıbary men aıdynyna aınalǵan Astana tórtkúl dúnıe túgel tanyǵan beıbitshilik pen izgilik ordasyna aınaldy. Mine, osy sáni men saltanaty jarasqan elorda­­­myzdyń 17 jyldyq mereıli merekesin jalpyhalyqtyq deńgeı­de toılaý úrdisi bastalyp ketti. Astana kúni merekesine oraı qa­lamyzdy bezendirý men árlendirý sharalary óris aldy. Astana kúnine oraı qala kóshe­lerine ashyq tústi gúl arkalary, gúl­di sharlar jáne basqa da me­re­kelik kompozısııalar kóptep ornatylýda. Sonymen qatar, ákimshilik jáne turǵyn úı ǵımarattarynyń syrty da bezendirildi. Aýdandarda jaryq dınamıkalyq pannolar men túrli-tústi jaryqshashqyshtar ornatyldy. Shaǵyn arhıtektýralyq músinder men pishinder saıabaqtar men shaǵyn baqtardyń kórkine kórik qosty. «Esil» aýdanynda «Araı» saıa­baǵyn, Ǵashyqtar saıabaǵyn, «Astanalyq sırk» shaǵyn baǵyn, «Astana Opera» memlekettik opera jáne balet teatry aldyndaǵy baqtardy bezendirý jumystary aıaqtaldy. «Han Shatyr» SOO-ǵa qara­ma-qarsy jer asty jolyna jaryqtar qoıylyp, «Astana Opera» teatrynyń aldyndaǵy kópir men Orynbor kóshesiniń boıy jáne «QazMunaıGaz» jaıaý júrginshiler kópiri ásemdeldi. «I Love Astana» kompozısııalary Esil ózeniniń jaǵalaýynda, Astanalyq saıabaqta jáne Astana halyqaralyq áýejaıy aýmaǵynda ornatyldy. «Jan júregim – Astana» shaǵyn arhıtektýralyq kompozısııalary «Astana Opera» teatrynyń aldynda, Turan dańǵyly men Syǵa­naq kóshesiniń qıylysynda jáne «Kerýen» saýda, oıyn-saýyq ortalyǵynyń qasyna ornalastyryldy. «Iа lıýblıý Astaný» kompozısııalary Syǵanaq kóshesi men Beısekova kóshesiniń qıylysyna qoıyldy. Sondaı-aq, Astana kúnine daıyndyq sheńberinde aýdandarda sanıtar­lyq tazartý, búlingen abattandyrý qurylǵylaryn qalpyna keltirý, saıabaqtar men kóshelerdegi jáne sándik jaryqtandyrýlardy tekserý jumystary qolǵa alyndy. «Almaty» aýdanynda 20-dan astam jaryq-dınamıkalyq panno ornatylyp, Sh.Qudaıberdiuly dańǵyly, Abylaı han dańǵyly, Táýelsizdik dańǵylyndaǵy kópirler men Qaraótkel kópiri, Baraev kóshesindegi kópir bezendirildi. 375 paneldik kórinister ilindi. «Saryarqa» aýdanynda Redıs­son qonaq úıinen Samal shaǵyn aýdanyna deıin Esil jaǵa­laýy­nyń uzyna boıyna ásem banerler ilindi. Kongress-holldyń aldy­na «Odývanchık» merekelik kom­pozısııa­sy, «Jastar» saraıynyń aldynda «Besedka» ınstallıasııasy ornatyldy. Temirjol vokzalynyń aldynda, Esenberlın men Beıbit­shilik kósheleri qıylysynda jáne dóńgelek alańda «Iа lıýblıý Astaný» shaǵyn arhıtektýralyq kompozısııa­lary kóz tartady. Mine, osylaı ásem bezendirilgen elordada bıyl Astana kúnine oraı 70-ten astam merekelik shara, onyń basym bóligi ashyq alańdarda ótkiziledi. Bas qalamyzdyń tól merekesin mereıli ótkizeıik!