Tegeran konvensııasynyń ýaqytsha hatshylyǵynyń úılestirýshisi Mahır Alıevtiń aıtýynsha, Kaspıı teńiziniń deńgeıi qarqyndy túrde tómendep barady. Keıbir ǵylymı boljamdar boıynsha, ǵasyr sońyna qaraı teńiz deńgeıi 8-21 metrge deıin túsýi múmkin.
«Teńiz deńgeıiniń katastrofalyq tómendeýi baıqalyp otyr. Bul – nazar aýdarýdy qajet etetin óte alańdatarlyq másele», dedi ol.
Tegeran konvensııasy – Kaspıı mańy memleketteri (Ázerbaıjan, Iran, Qazaqstan, Reseı jáne Túrikmenstan) arasyndaǵy ekologııalyq yntymaqtastyqty retteıtin kópjaqty kelisim. Qujatqa 2003 jyly 4 qarashada Tegeranda qol qoıylǵan.
Mamandardyń aıtýynsha, Kaspıı teńizi deńgeıiniń tómendeýi tek ekojúıege ǵana emes, balyq sharýashylyǵy, kólik logıstıkasy jáne jaǵalaý ınfraqurylymyna da eleýli qaýip tóndirýi múmkin.
Memleket basshysy: Kaspıı mańynda qarýly kúshterdiń qoldanylýyna jol berýge bolmaıdy
