Foto: Ashyq derekkóz
Negizgi ózgeristerdiń biri – pedagogterdiń bilim alýshylar úshin jaýapkershiligin tek oqý prosesi aıasynda belgileý. Al balalardyń ómiri, densaýlyǵy men qaýipsizdigi úshin ata-analardyń jaýapkershiligi keńeıtiledi.
Sonymen qatar pedagogterdi qaǵaz jáne elektrondyq formatta bir mezgilde esep júrgizý mindetinen bosatý qarastyrylǵan. Iаǵnı bilim berý uıymdarynda eseptilikti qatar júrgizýge tyıym salynady, bul muǵalimderdiń júktemesin azaıtýǵa múmkindik beredi.
Taǵy bir mańyzdy jańalyq – orta bilim berý uıymdarynda uıaly qurylǵylardy paıdalanýdyń biryńǵaı erejeleri engiziledi. Bul oqytý prosesin júıeleýge jáne tártipti nyǵaıtýǵa baǵyttalǵan.
Qujatta sondaı-aq jergilikti atqarýshy organdar deńgeıinde mektep oqýshylaryn ǵylymı jumysqa tartý sharalary kózdelgen. Bul jas urpaqtyń zertteýshilik qabiletin damytýǵa jol ashady.
Bilim salasyndaǵy ózgeris: Muǵalimder úshin avtorlyq baǵdarlama jazý talaby joıylady
Budan bólek, Úkimet bastamasymen jetekshi sheteldik ýnıversıtetterdiń Qazaqstanda jumys isteýine qolaıly quqyqtyq orta qalyptastyrý qarastyrylǵan. Fılıaldar memlekettik jalpyǵa mindetti bilim berý standarttary saqtalǵan jaǵdaıda ashylady.
Jalpy, usynylǵan túzetýler bilim berý júıesin jetildirýge, pedagog mártebesin arttyrýǵa jáne oqý prosesin tıimdi uıymdastyrýǵa baǵyttalǵan.
Attestasııa júıesindegi ózgerister: Test tapsyryp úlgermegenderdiń sanaty saqtala ma?
