Federasııa málimetinshe, júlde qory shamamen 15 paıyzǵa artqan. Qarajat 48 ulttyq qurama arasynda bólinedi. Bul da týrnır tarıhyndaǵy jańa format bolmaq.
Árbir qurama úshin eń tómengi kepildendirilgen tólem 12,5 mıllıon dollardy (shamamen 5,9 mlrd teńge) quraıdy. Buǵan deıin bul kórsetkish 10,5 mıllıon dollar bolǵan.
Sonymen qatar:
– daıyndyqqa bólinetin qarjy 2,5 mln dollarǵa deıin;
– irikteý kezeńine arnalǵan tólem 10 mln dollarǵa deıin ulǵaıtyldy.
FIFA júlde qorynyń artýyn týrnırdiń kommersııalyq tabysy men quramalardyń logıstıka, salyq jáne uıymdastyrý shyǵyndarynyń kóbeıýimen túsindirdi.
Budan bólek, delegasııalardyń shyǵyndaryn óteý jáne bılet kvotalaryn keńeıtý úshin qosymsha 16 mln dollardan astam qarjy qarastyrylǵan.
Túsken tabystyń bir bóligi uıymǵa múshe 211 qaýymdastyq arasynda qaıta bólinip, álem boıynsha fýtboldy damytýǵa baǵyttalady.
2026 jylǵy álem chempıonaty 11 maýsym men 19 shilde aralyǵynda AQSh, Kanada jáne Meksıka aýmaǵynda ótedi. Týrnır tarıhynda alǵash ret 48 qurama qatysady.
FIFA Meksıkadaǵy jaǵdaıdy jiti baqylap otyr: Álem chempıonaty keıinge shegerile me?
Júlde qorynyń kúrt ósýi álemdik fýtboldaǵy kommersııanyń aýqymyn aıqyndap, álem chempıonatyn tarıhtaǵy eń qarjylaı iri týrnırge aınaldyryp otyr.
